© २०२३
उदयपुर, ९ फागुन ।
उदयपुरमा जन्ती बोकेको बस र मिनी ट्रकको ठक्करपछि भएको भीषण दुर्घटनामा एक जनाको मृत्यु भएको छ भने २६ जना घाइते भएका छन्।
मदन भण्डारी राजमार्गअन्तर्गत उदयपुरगढी गाउँपालिका-७ जोगी टोलमा भएको दुर्घटनामा बस र मिनी ट्रकको सीधा टक्कर भएको हो। बस बाराबाट जन्ती लिएर गाईघाटतर्फ आउँदै थियो भने मिनी ट्रक गाईघाटबाट तेज पत्ता बोकेर जाँदै थियो।
दुर्घटनामा बसमा सवार ७० वर्षीय सीताराम धामीको मृत्यु भएको छ। घाइतेहरू मध्ये दीपक चौधरी, श्रीकान्त बछार र बलिराम चौधरीको अवस्था गम्भीर रहेको छ। उनीहरूको उपचार विराटनगरको न्युरो अस्पतालमा भइरहेको छ।
ट्रक र बसका चालक तथा सहचालकहरूको अवस्था सामान्य रहेको जनाइएको छ। यस घटनापछि प्रहरीले अनुसन्धान सुरू गरेको छ।