खोज

बुटवल, ८ फागुन ।
रुपन्देहीमा जारी जिल्लास्तरिय अन्तर विद्यालय बास्केटबल प्रतियोगिता २०८१ को उपाधि ब्रिटिश ग्रामर स्कुलले चुमेको छ । रुपन्देही जिल्ला बास्केटबल संघको आयोजनामा ब्रिटिश ग्रामरको बास्केटबल कोर्टमा विहिबार भएको फाईनलमा दीप बोर्डिङ स्कुललाई ४६–३६ अंकले पराजित गर्दै उपाधि चुमेको हो । प्रतियोगितामा दीप बोर्डिङ स्कुलका सबिन श्रेष्ठ हाई स्कोरर, ब्रिटिश ग्रामरका नामसिह राना मोष्ट भ्यालुएबल खेलाडीबाट पुरस्कृत भए ।

विहिबार नै भएको पहिलो सेमीफाईनलमा ब्रिटिशले सिद्धार्थ बोर्डिङ स्कुललाई ४३–२१ तथा दोस्रो सेमीफाईनलमा दीपले न्यु होराईजन बोर्डिङ स्कुललाई २७–२२ अंकले पराजित गर्दै फाईनलमा प्रवेश गरेका थिए ।

एक समारोहका बिच लुम्बिनी प्रदेश बास्केटबल संघका अध्यक्ष मनिष कुमार ह्याजु, रुपन्देही जिल्ला खेलकुद विकास समितिका कार्यालय सचिव चन्द्रकान्त आचार्य, नगर खेलकुद विकास समितिका संयोजक बोनिन पिया, दिल बहादुर बुढाथोकी, संघका अध्यक्ष राजन कुमार श्रेष्ठले प्रतियोगिताका विजेता, उपविजेता तथा उत्कृष्ट खेलाडीहरुलाई नगद तथा कप, प्रमाणपत्रबाट पुरस्कृत गरेका छन ।

लुम्बिनी प्रदेश बास्केटबल संघका अध्यक्ष मनिष कुमार ह्याजुले युवा खेलाडीहरुलाई प्रतियोगिता अवसरका रुपमा रहने बताए । नगर, जिल्ला हुदै लुम्बिनी प्रदेशका प्रतियोगिता आयोजनाको तयारीमा रहेको भन्दै उनले यसबाट बास्केटबल खेलका युवाहरुलाई प्लेटफर्म मिल्ने समेत उनले बताए ।
पहिलो चरणका खेलहरु न्यु होराईजन र दोस्रो चरणको खेल ब्रिटिश ग्रामर बास्केटबल कोर्टमा खेलाईएको प्रतियोगितामा ६ टिमलाई दुई समुहमा लिग आधारमा खेलाईएको संयोजक शशान्क प्रधानले बताए ।