खोज

बुटवल, १ फागुन ।
‘भारत–नेपाल मित्रता र विश्व शान्तिको लागि राईड’ नारासहित द प्याडलर्स (भारत) का साईक्लिष्टहरुले ६ दिने यात्रा गर्ने भएका छन । भारतको राजधानी नया दिल्लीबाट शुरु हुने यात्रा नेपालको राजधानी काठमाण्डौमा समापन गरिने भएको हो । यो समुहको दोस्रो संस्करण हो । फागुन ५ गते (फेब्रवरी १७ तारिख) मा नया दिल्ली गेटबाट यात्राको शुभारम्भ भएको संयोजक जसप्रित सिहले बताए । कार्यक्रमको राजदूत डा पवन धिङ्ग्रा, लिड राइडर सञ्जीव रतन रहने उनले बताए ।

नया दिल्ली गेटबाट पहिलो दिन रुद्रपुरसम्मको २४२ किलोमिटरको यात्रा हुने छ । यसैगरि दोस्रो दिन रुद्रपुरबाट चिसापानीसम्म २०९ किलोमिटर, तेस्रोदिन चिसापानीबाट लमहीसम्म १९४ किलोमिटर, चौथो दिन लमहीबाट बुटवल १२९ किलोमिटर, पाचौ दिन बुटवलबाट चुम्लिम्टार १६६ किलोमिटर र छैटौ दिन चुम्लिम्टारदेखी काठमाण्डौसम्मको १०४ किलोमिटर गरि कुल १०४४ किलोमिटरको यात्रा साईकलबाट गर्नेछन । १० जना राईडर्सहरु सहभागी हुने छन । राईड दुई प्रकारका छन । जसमा एकल, दुई जनाको रिले र चार जनाको रिले रहेका छन ।

द पेडलर एण्ड फिट क्लब (वल्र्ड अल्ट्रा साईक्लिङ एशोसियसन, न्यूयोर्क) आयोजक रहेको कार्यक्रमको ईम्पेक्ट पार्टनर रोटरी डिष्ट्रिक ३२९२, हस्पिटल पार्टनर सिद्धार्थ हस्पिटालिटी, ट्राभल पार्टनर पाथिल होलिडे, प्राविधिक पार्टनर राजेश साईकल्स, साइकोफिट, टेलिकम पार्टनर नेपाल टेलिकम, ईनेर्जी पार्टनर बि कज तथा सपोर्टिङ क्लब बुटवल युनाईटेड साइक्लिङ क्लब रहेको छ ।