खोज

बुटवल, ४ फागुन ।
विश्वशान्तिको कामना र नेपालमा थाई वन परम्परालाई प्रचार गर्ने उदेश्यका साथ नेपाल फोरेस्ट मोनाष्ट्री समुहले एक हप्ते आध्यात्मिक यात्रा शुभारम्भ गरेको छ । विश्व सुखशान्ति बौद्घ बिहारबाट आईतबार सिगापुरका भिक्षु अजान चाओ खुन केङ खेमाको अगुवाईमा विभिन्न देशका ८० जना भिक्षुहरुसहित यात्रा शुभारम्भ गरिएको हो । संसारको सुख र मानव कल्याणको लागि यात्रा गरिएको उनले बताए । बौद्धकालिन जंगलमा बसेर दैनिक भिक्षा मागेर ध्यान गर्ने विधि निक्कै पुरानो भएको उनले बताए । थाईलैण्डमा रहेका बौद्ध भिक्षुहरुले संरक्षण गरेको यो परम्परालाई अहिले बुद्धजन्मस्थलमा समेत भित्राउने गरि आफुहरु लागेको उनले बताए । बौद्ध धर्मावलम्बीहरु यसबाट प्रभावित रहेको उनले बताए । आफुले २४ वर्षको उमेरमा थाई वन परम्पराको वाट अशोकराममा नियुक्त गरेको उनले बताए । उनले थाइल्याण्डको रेयोङको वाट धम्मासथितमा अजान थानिसारो (जियोफ) अन्तर्गत ३ वर्षको मठ तालिम लिएका थिए । यहाँ उनले आफ्ना एक प्रमुख आध्यात्मिक गुरु लुआंग पुउ जिया कुन्डोलाई पनि भेटे, जो लुआंग पुउ मुनका चेलाहरू मध्ये एक थिए । पूर्ण विनय (बौद्ध भिक्षुहरूको आचार संहिता) लाई निष्ठापूर्वक पालन गर्ने, बौद्ध भिक्षुहरूलाई पाली क्याननको विनय–पिटकमा उल्लिखित दिशानिर्देश र नियमहरूको अधीनमा बस्ने ठाउँ प्रदान गर्ने यसमा हुन्छ ।

भगवान गौतम बुद्धको जन्मस्थललाई केन्द्रमा राखेर बुद्ध सर्किटमा पर्ने रुपन्देही, नवलपरासी र कपिलबस्तुको एक हप्ते यात्रा हुने संयोजक सन्दिप कार्कीले बताए । पहिलो दिन नवलपरासीको रामग्राम स्तुपासम्मको यात्रा पुरा गर्ने उनले बताए । यसैगरि सोमबार रामग्राम क्षेत्रको भ्रमण, मंगलबार भिक्षुहरुको यात्रा रामग्रामबाट भैरहवा पुग्ने उनले बताए । बुद्धको बाल्यकाल विताएको कपिलबस्तु क्षेत्र, कुदान, पिपरा हुदै पाल्पाको झिङगामारास्थित नेपाल फोरेस्ट मोनाष्ट्री पुगेर यात्रा समापन हुने उनले बताए । नेपाल वन गुम्बा भूमि भगवान बुद्धको जन्मस्थल लुम्बिनीबाट करिब ४० किलोमिटर टाढा निमार्णको चरणमा रहेको उनले बताए । यात्रामा मलेशिया, सिगापुर, अष्ट्रेलिया, थाईलैण्ड, चाईना लगायत देशका ८० बढी बौद्ध भिक्षुहरु सहभागी रहेको उनले बताए ।

विश्व सुखशान्ति बौद्घ बिहारका अध्यक्ष चन्द्र बहादुर श्रीषमगरले तिलोत्तमास्थित बिहार विपश्वना गर्नेहरुका लागि उत्कृष्ट गन्त्ब्यका रुपमा विकास भैरहेको बताए । करीब साढे १० विगाहा क्षेत्रफलको वनसहितको पूर्वाधार निमार्ण गरिएको उनले बताए । बिहारमा केहि भिक्षु र ४ जना अनागारिका बस्छन ।