खोज

लुम्बिनी ।

रुपन्देहीको लुम्बिनी सांस्कृतिक नगरपालिकामा आयोजित चौथो राष्ट्रपति रनिङ शिल्ड प्रतियोगिताको उपाधि बुद्ध आर्दश माध्यमिक विद्यालयले जितेको छ।

विभिन्न खेलकुदमा बुद्ध आर्दश माध्यमिक विद्यालय ७ स्वर्ण, ९ रजत र ५ कास्य पदकसहित प्रथम भएको छ भने श्री आमा माध्यमिक विद्यालय ६ स्वर्ण, ४ रजत र ३ कास्य पदकसहित दोस्रो भएको छ भने श्री बलरामपुर माध्यमिक विद्यालय ४ स्वर्ण, २ रजत र ७ कास्य पदकसहित तेस्रो भएको छ।

बुद्ध आर्दश माध्यमिक विद्यालयले आयोजित खेलहरूमा चौथो राष्ट्रपति रनिङ शिल्ड प्रतियोगिता चार पटक जितेको छ।

खेलकुद समापन कार्यक्रममा बोल्दै लुम्बिनी सांस्कृतिक नगरपालिकाका मेयर सजरुद्दीन मुसलमानले राष्ट्रका लागि खेलकुद, स्वास्थ्यका लागि खेलकु, सबैका लागि खेलकुद भन्ने नाराका साथ यो विद्यार्थीहरूका लागि शिक्षासँगै खेलकुद क्षेत्रमा आफ्नो प्रतिभा प्रदर्शन र अभ्यास गर्ने प्लेटफर्म भएको बताए।

लुम्बिनी सांस्कृतिक नगरपालिकाकी प्रमुख प्रशासकीय अधिकृत तारा ज्ञवालीले राष्ट्रका लागि खेलकुद, स्वास्थ्यका लागि खेलकुद, सबैका लागि खेलकुदू भन्ने नाराका साथ चौथो राष्ट्रपति रनिङ शिल्ड प्रतियोगिता आयोजना गरिएको बताइन्। ज्ञवालीले खेलकुदले विद्यार्थीहरूको सामाजिक, शारीरिक र मानसिक विकासमा योगदान पुर्‍याउने भएकाले लुम्बिनी क्षेत्रमा शिक्षा हाल अस्तव्यस्त अवस्थामा रहेकोले शिक्षकहरू शिक्षणमा नभई अन्य गतिविधिहरूमा केन्द्रित भएको र पाठ्यपुस्तकीय ज्ञानबाट मात्र विकास हासिल गर्न नसकिने बताए। शिक्षा र स्वास्थ्यको विकास गर्न नसकिएसम्म हामी चाहेर पनि विकास कार्यमा अगाडि बढ्न नसक्ने बताए।

लुम्बिनी सांस्कृतिक नगरपालिकाका मेयर सजरुद्दीन मुसलमानको अध्यक्षतामा भएको कार्यक्रममा क्षेत्र नम्बर ५ का पूर्व सांसद भरतकुमार शाह प्रमुख अतिथि थिए भने नगरपालिकाका प्रमुख प्रशासकीय अधिकृत तारा ज्ञवाली, नगर प्रवक्ता इनामुल्लाह फकिर, धुब्रचन्द्र त्रिपाठी, लुम्बिनी सांस्कृतिक नगरपालिकाका शिक्षा शाखा प्रमुख लक्ष्मी पराजुली लगायतले आ(आफ्नो मन्तव्य राखेका थिए।

पुरस्कारहरू कार्यकारी सदस्य हुसैनी लोध लगायतले वितरण गरेका कार्यक्रम सञ्चालन दिनेश कुमार उपाध्याय र समापन इलियास खानले गरेका थिए । प्रतियोगितामा शहर क्षेत्रका १६ विद्यालयका विद्यार्थीहरूले भाग लिएका थिए।