खोज

बुटवल, २६ माघ ।
बुटवलको संचालन भएको तीन दिने खाना महोत्सव तथा माघेसंक्रान्ती मेलामा उत्कृष्ट स्टल संचालकहरुलाई शनिबार सम्मान गरिएको छ । बुटवल उपमहानगरपालिकाको संरक्षकत्व, लुम्बिनी प्रदेश सरकार, पर्यटन ग्रामीण विकास तथा शहरी विकास मन्त्रालय पर्यटन विकास परिषद बुटवलको प्रवद्र्धन तथा रुपन्देही होटल तथा रेष्टुरेन्ट व्यवसायी संघको आयोजनामा भएको मेलामा प्रथम भएको टेण्डी फुड प्रालि, द्घितिय भएको डेडिज किचन, तृतिय हुन सफल थकाली रेष्टुरेन्टको स्टललाई शनिबार एक समारोहका बिच संघका संस्थापक सचिव तथा प्रमुख सल्लाहकार माधव प्रसाद नेपाल, संघका अध्यक्ष लेखनाथ भण्डारी, पर्यटन उपाध्यक्ष रोमाकान्त पाण्डेले उत्कृष्ट स्टलधनीलाई सम्मानपत्रसहित सम्मान गरे ।

यसैगरि सान्त्वना हुन सफल स्याङ्जा कारीकोट, हातेमालो महिला समूह, सिटि भिलेज फुडलाई समेत सम्मान गरिएको प्रचारप्रसार संयोजक तथा संघका सहसचिव अर्जुन पोखरेलले बताए ।

कार्यक्रममा संघका अध्यक्ष लेखनाथ भण्डारीले पर्यटन प्रवद्र्धनको अभियानलाई सफल बनाउने होटल ब्यवसायीहरुको भुमिका बारे प्रकाश पार्दै सेवा उद्योगका रुपमा सबै होटल ब्यवसायलाई मान्यता दिन सरकारको ढिलाई गर्न नहुने बताए । संस्थागत हकहितसंगै ब्यवसायीहरुको क्षमता विकासमा आफुहरु निरन्तर लागेको उनले बताए ।
कार्यक्रममा पाण्डाका संचालक लाल बहादुर खत्रीले मेलामहोत्सवमा स्टलधनीहरुलाई उत्साह बढाउने गरि सम्मान कार्यक्रम गरिएको बताए ।