खोज

बुटवल, १५ पुस ।

अँग्रेजी नयाँ बर्ष २०२५ लाई लक्षित गर्दै भैरहवाको पहिलो तारे होटल नान्सले आफना ग्राहकहरुका लागि सांगितिक कार्यक्रम आयोजना गर्ने भएको छ ।

नान्स होटलका महाप्रबन्धक सुनिल श्रेष्ठका अनुसार न्यू इयर इभका दिन राति होटलको स्विमिङ पुल साइडमा सांगितिक माहोल सहितको कार्यक्रम आयोजना हुनेछ । महाप्रबन्धक श्रेष्ठका अनुसार यमन व्यान्डको प्रस्तुति साथै चर्चित डान्सर मनिषाको समेत नृत्य रहेको बताए । इभमा सांगितीक कार्यक्रममा सहभागी हुन प्रबेश निशुल्क रहेको र आफुलाइ मनपर्ने बिभिन्न खानाका परीकार मेनु अनुसार अर्डर गरी खान सकिने श्रेष्ठले बताए ।

उता होटलमा बस्न आउने ग्राहकका लागि एक रातको ७ हजार रुपैयाँको अफर ल्याएको छ । अफर अनुसार एक रात बास बसेको, रात्री बुफेट डिनर र बिहानको ब्रेकफास्ट सो रकममा २ जना (कपल) को लागि उपलब्ध रहेको होटलले जनाएको छ ।

चार तारे नान्स होटल भैरहवाको देवकोटा चोकमा अवस्थित छ । होटलमा स्विट र डिलक्स गरी ६० कोठा रहेको छ भने कुची भ्वय नामको नेवारी रेष्ट्रो र क्याफे थर्टिन्थ स्ट्रीट नामको २४ घन्टे कफी सप समेत रहेको छ भने होटल परीसरमा क्यासिनो प्याराडाइज सञ्चालनमा छ ।