खोज

बुटवल, २७ कार्तिक । नुवाकोटको ऐतिहासिकतालाई उजगार गर्दै उत्कृष्ट पर्यटकिय गन्त्ब्यका रुपमा चिनाउने गरि काम गरेको सिद्धार्थ केवलकार लिमिटेड संचालक समितिका पदाधिकारीहरुले दाबी गरेका छन । मंगलबार बुटवलमा सिद्धार्थ केवलकार लिमिटेड संचालक समितिसंग शेयरधनी कार्यक्रम पश्चात पत्रकार सम्मेलन गरि नुवाकोटको ऐतिहासिकता र संस्कृतिलाई उजगार हुने गरि आफुहरु लागेको केवलकारका अध्यक्ष राजेन्द्र सिह गुरुङले बताए । ‘केवलकार एउटा पाटोमात्र हो ।’—उनले भने । नुवाकोटको आफनै विशेषता र ईतिहास रहेको भन्दै उत्कृष्ट पर्यटकीय गन्तव्य बन्नेमा दुई मत नरहेको उनले बताए । आउदो नया वर्षमा औपचारिक उद्घाटन गर्ने तयारी रहेको भन्दै उनले अहिलेसम्म ७० हजार पर्यटकलाई सेवा दिन सफल भएको बताए ।

धेरै अध्ययनपछि बिट्रिश कम्पनीबाट भारतमा भित्रिएको प्रविधि अप्नाएको सिआरएस कम्पनीलाई जडानको जिम्मा दिएको उनले बताए । यो कम्पनीले १७ वटा भन्दा बढि केबलकार जडान गरेको अनुभव र भारतमा सन १९४८ भन्दा अघि बिट्रिश कम्पनीका रुपमा रहेको सिआरएस कम्पनी युरोपियन मापदण्डको रहेको समेत उनले दाबी गरे । केवलकारको क्षमता प्रतिघण्टा ५ सय जना पर्यटक रहेको छ । दैनिक ३ हजारसम्म पर्यटक भित्रयाउन सक्ने क्षमता छ । केवलकारमा २५ वटा गोन्डला र एकपटकमा ८ जना चढ्न सक्ने तथा बटमबाट टप स्टेशनसम्म पुग्न ९ मिनेट समय लाग्ने उनले बताए । केबलकार १९९५ मिटर दुरी रहेको छ ।

कार्यक्रममा केबलकारका प्रबन्ध संचालक प्रभुलाल अधिकारीले अहिले पनि निमार्णको काम चलिरहेको बताए । टप स्टेशनमा बुद्घको बिशाल मुर्ति, बटन स्टेशनमा आकर्षक कमलको फुल र पुर्वाधार निर्माण भईरहेको उनले बताए । यसैगरि भविष्यमा पयर्टकलाई लक्षित गरि स्काई वाक, रेष्टुरेन्ट तथा पर्यटकिय संरचनाहरु निर्माण गर्ने तयारी रहेको उनले बताए । हाल केवलकारको मूल्य प्रति ब्यक्ति दुई तर्फि ३२५ रुपैयामात्र मूल्य रहेको र पूर्ण रुपमा संचालनमा आउदा बढीमा २५ रुपैया बढाएर साढे ३ सय गर्ने तयारीमा रहेको उनले बताए ।

कार्यक्रममा केबलकारका संचालक रमेश प्रसाद सापकोटाले पाच वटा कम्पनी र अन्य विभिन्न संघसंस्था र ब्यवसायीहरु गरि २२७ जना प्रमोटर शेयरधनि रहेका बताए । कुल ६० करोड चुक्ता पुजि रहेको केबलकारमा एक सय करोडको कम्पनी बनाउने गरि निर्णय भएको उनले बताए । अहिलेसम्म १ अरब १० करोड रुपैया लगानी भएको उनले बताए । केबलकारमा हाल स्थानिय ४८ जना युवाहरुले रोजगार पाएका छन ।