खोज

भैरहवा, कात्तिक ४ गते ।

रुपन्देहीको सिद्धार्थनगर नगरपालिकाकाले उद्योगी ब्यवसायीलाई सहज सेवा उपलब्ध गराउने उद्देश्यले घुम्ती शिविर सुुरु गरेको छ ।

नगर क्षेत्रभित्र रहेका उद्योग एवं व्यवसाय फर्मको दर्ता, व्यवसाय कर, नविकरण सम्बन्धी सवै सेवा वडा, टोलबाट प्रदान गर्ने गरी शिविर सञ्चालनमा ल्याईएको नरपालिकाका राजश्व शाखा प्रमुख कमलकान्त खनालले जानकारी दिए ।

उनका अनुसार आइतवारबाट सुरु गरिएको यो शिविर आगामी मंसिर २४ गतेसम्म विभिन्न वडाहरुमा सञ्चालन हुने छ । शिविर सवै वडास्तरमा सञ्चालन गरिने छ । शिविरको आइतवार वडा नं. ७ मा सुुरुवात गर्दै सिद्धार्थनर नगरपालिकाका प्रमुख ईस्तियाक अहमद खाँले दर्ता, ईजाजत नलिई सञ्चालन भैरहेका वा लामो समयदेखि नविकरण नगरेका व्यवसायीलाई घुम्ति शिविर मार्फत लाभ लिन आग्रह गरे । उनले व्यवसाय कर दर्ता नभएका वा व्यवसाय कर बक्यौता बुुझाउन बाँकी रहेका फर्महरुलाई आगामी पुस मसान्त सम्मको लागि लाग्ने जरिवानामा शतप्रतिशत र करमा आंशिक छुट समेत रहेकाले समयमा नै उक्त छुट सुविधाको उपभोग गर्न समेत आग्रह गरे ।

शिविर कात्तिक ४ देखि ६ गतेसम्म वडा नं ७, ७ देखि ९ सम्म वडा नं ९, ११ देखि १२ सम्म वडा नं २, २७ देखि २९ सम्म, वडा नं ८ मा सञ्चालन हुुने छ । त्यस्तै मंसिर २ गते देखि ४ सम्म वडा ६, ५ देखी ७ सम्म वडा नं १२, ९ देखि ११ सम्म वडा नं ५ र १३ तथा मंिसर १२ मा वडा नं ११ मा सञ्चालन हुने छ ।

त्यस्तै मंसिर १३ मा वडा नं. १०, १४ र १६ मा वडा नं ४, १७, १९ र २० मा वडा नं. ३ मा सचांलन हुने छ । मंसिर २१, २३ र २४ मा वडा नं १ मा शिविर सचांलन हुने छ । नगरपालीकाका प्रमुख प्रशासकिय अधीकृत जनक थापाले सिद्धार्थनगरको १६औं नरसभावाट स्वीकृत नीति तथा कार्यक्रम बमोजिम आर्थिक बर्ष २०८१÷ ०८२ लाई कर सहभागिता वर्ष घोषणा गरिएको र यसलाई प्रभावकारी बनाउन शिविर सञ्चालन गरिएको बताए ।