खोज

बुटवल, १६, भदौ ।
लायन्स क्लब अफ बुटवल सयपत्रीले तीजको अवसरमा शुक्रबार शुभकामना आदान प्रदान कार्यक्रम सम्पन्न गरेको छ । यस अवसरमा आयोजित कार्यक्रममा लायन्स क्लब डिष्ट्रिक ३२५ पी का फष्टलेडी तथा लायन्स क्लब अफ तिलोत्तमा मायादेविका पूर्व अध्यक्ष लक्ष्मी प्रधानाड्ड, लायन्स डिष्ट्रिक एफ डब्लु सी प्रमुख सुलोचना श्रेष्ठ, संस्थापक अध्यक्ष तथा सिनियर डिष्ट्रिक एडभाईजर प्रतिभा श्रेष्ठ, डिष्ट्रिक चिफ तथा क्लबको पूर्व अध्यक्ष सुनिता बजमिय, डिष्ट्रिक चिफ तथा पूर्व अध्यक्ष सवनम श्रेष्ठ, पूर्व अध्यक्ष तारा लाकौल, निवर्तमान अध्यक्ष श्रृजना श्रेष्ठ, र कार्यक्रम संयोजक रेणु श्रेष्ठ तथा क्लवका सदस्यहरूको उपस्थिति थियो ।

कार्यक्रममा तीज पर्वको सांस्कृतिक, धार्मिक, र सामाजिक महत्वलाई उजागर गरिएको थियो । क्लबकी अध्यक्ष कमला बस्नेत कुँवरले तीज पर्वको महत्वबारे आफ्नो विचार व्यक्त गर्दै, तीज नेपाली महिलाहरूको लागि अत्यन्त महत्वपूर्ण पर्व हो भन्ने कुरा उल्लेख गरिन् । तीजलाई महिलाहरूको साहस, सहनशीलता र समर्पणको प्रतीकका रूपमा चिनिन्छ, र यस पर्वले महिलाहरूलाई आत्मबल प्रदान गर्दै, उनीहरूको सशक्तिकरणको प्रतीकको रूपमा रहेको बताइन ।

अध्यक्ष कुँवरले तीज पर्वलाई केवल मनोरञ्जनको मात्र नभई, हाम्रो संस्कार र परम्परालाई सम्मान गर्ने अवसरका रूपमा लिनुपर्ने धारणा व्यक्त गरिन् । उनले तीजका परम्परागत गीत र नृत्यहरूले हाम्रो सांस्कृतिक धरोहरसँग पुनःजोड्ने काम गर्छन् भन्दै, यस अवसरमा प्रस्तुत गरिएका परम्परागत गीत र नृत्यले कार्यक्रमलाई जीवन्त र मनोरञ्जनात्मक बनाएकोमा गर्व व्यक्त गरिन् ।

कार्यक्रमको उद्देश्यबारे थप स्पष्ट पार्दै, अध्यक्ष कुँवरले सदस्यहरूको आपसी सम्बन्धलाई अझ सुदृढ पार्नका लागि यस कार्यक्रमको माध्यमबाट शुभकामना आदानप्रदानको व्यवस्था गरिएको जानकारी दिइन् । उनले सुख, शान्ति, र समृद्धिका शुभकामनाहरू साटासाट गर्दै, हामीले हाम्रो मित्रता र सहकार्यलाई अझ गहिरो बनाउन सक्छौं भन्ने विश्वास व्यक्त गरिन् । विशेष गरी नयाँ सदस्यहरूले यस कार्यक्रमको माध्यमबाट क्लबभित्रको आपसी सम्बन्धलाई नजिकबाट अनुभव गर्न पाएको र यसले क्लबलाई एकजुट राख्न सहयोग पु¥याएको कुरा पनि उल्लेख गरिन् ।

कार्यक्रममा परम्परागत दर खुवाउने कार्यक्रमले पनि क्लबका सदस्यहरूबीचको सम्बन्धलाई अझ मिठास थपेको बताउदै अध्यक्ष कुँवरले यस पर्वले आत्मीयता र एकताको भावना सम्झाउने मात्र नभई, हाम्रो समग्र क्लबको एकता र सहयोगलाई पनि सशक्त बनाएको धारणा व्यक्त गरिन् ।
यस अवसरमा, क्लबका पूर्व अध्यक्षहरूको प्रशंसा पनि उल्लेखनीय रह्यो । अध्यक्ष कुँवरले पूर्व अध्यक्षहरूको सल्लाह र मार्गदर्शनले आगामी दिनहरूमा यस्ता कार्यक्रमहरूलाई निरन्तरता दिन प्रेरित गरेको बताइन् । यस कार्यक्रमले क्लबलाई नजिक ल्याउन मात्र नभई तीज पर्वको सार्थकतालाई पनि उजागर गरेको स्पष्ट पारिन् ।

कार्यक्रमको अन्त्यमा, अध्यक्ष कुँवरले उपस्थित सबैलाई तीज पर्वको हार्दिक शुभकामना व्यक्त गर्दै, क्लबलाई अझ सशक्त बनाउनका लागि सबैको सहयोग र सहभागिताको अपेक्षा गरिन् । उनले सबैलाई मिलेर अगाडि बढ्न र क्लबलाई अझ ऊर्जाशील बनाउन प्रतिबद्ध रहने आग्रह पनि गरिन् ।
लायन्स क्लब अफ बुटवल सयपत्रीले तीजको शुभकामना आदान प्रदान तथा दर खाने कार्यक्रमलाई सफलतापूर्वक सम्पन्न गर्दै, महिलाहरूको सशक्तिकरण र सांस्कृतिक धरोहरको संरक्षणको प्रतिवद्धता प्रकट गरेको छ ।