खोज

लमही, ३१ साउन ।
लमही नगरपालिका वडा नम्बर–५ वडा अध्यक्ष ओम प्रसाद सुबेदीले नगरपालिका मेयर, उपमेयरले बिभेदपूर्ण रूपमा बजेट बिनियोजन गरेको भन्दै गुनासो गरेका छन् । उनले मेयर जोगराज चौधरी र उपमेयर लक्ष्मी योगीले आबश्यता, प्राथमिकताका आधारमा नभै आफूहरूको अनकुलताका आधार बजेट बिनियोजन गरेको बताए । बुधबार सुबेदीले आफ्नो कार्यकक्षमै पत्रकार सम्मेलन गरि यस्तो बताए ।
नगरपालिकाको बजेट सहित सहयोगी संस्थाहरूबाट आउने बजेट समेतमा आफूहरूलाई छलफलमै नबोलाइ गैर आफू निकट ब्यक्तिहरू राखेर बजेट बिनियोज गर्ने गरेको बताए ।शहरी बिकाश मन्त्रालयबाट शहरीय बिकाश पूर्वाधार अन्तर्गत आएको ७ करोड १३ लाख रूपैयाँ मेयर, उपमेयर, प्रतिनिधिसभा सदस्य मेटमणी चौधरी र केही गैर ब्यक्तिको सहभागीतामा बन्द कोठामा बसेर अनकुल पर्ने स्थानमा सो बजेट बिनियोजन भएको उनले बताए ।लमही–५ बजार क्षेत्र हो ।

जनघनत्वको आधारमा नगरपालिकाकै एक तिहाई जनसंख्या वडा नम्बर ५ मा रहेको छ । शहरी बिकाश पूर्वाधार निर्माणका लागि आएको बजेट सो बजेट बजार भन्दा पनि मेयर, उपमेयरको अनकुलको बजार बाहिरका योजना छनौट भएको केहि सिमित बजारका योजना छनौट गर्दा बैठकमा जानाकारी समेत नभएको सुवेदीले बताए । लमही नगरपालिका कार्यकारी अधिकृत प्रकाश देबकोटाले उक्त बजेट समुदाय बिकास कार्यक्रम अन्तर्गत आएको बताउँदै प्रतिनिधि सभासदस्य चौधरीको पहलमा बजेट आएको र उनकै सहभागितामा बजार लगायत आबश्यकताका आधारमा अन्य वडाहरूमा बिनियोजन गरिएको बताए ।
सो बजेट अन्तर्गत हाटबजार पूर्वाधार निर्माण, सार्वजनिक शौचालय निर्माण, सामुदायिक बसपार्क सुधार, पार्क, सडक पूर्वाधार निर्माण, ढल निर्माण, फोहोर ब्यबस्थापन, नाली निर्माण श्रममुलक काममा खर्च बिनियोजन गरीनु पर्ने देबकोटाले बताए ।उनले लमहीमा पनि केही बजेट छुट्टाएको बताए ।

जस अन्तरगत हटबजारका लागि १ करोड, डिजिटल पुस्तकालयका लागि १ करोड र केही अस्पतालका लागि छुट्टाउने काम भएको बताए । अन्य बजेट अन्य वडाहरूमा बिनियोजन हुने क्रमजारी रहेको बताए । यता वडा नम्बर ५ का वडा अध्यक्ष सुवेदी भने उक्त बजेट बजार भन्दा अन्यन्त्र आफ्नो अनकुलका लागि लगेको बताए । उनले वडा नम्बर ५ ले पालिकाको कुल राजस्व मध्ये ५० प्रतिशत संकलन गरे पनि आबश्यकता र योगदानको आधारमा र जनघनत्वको आधार भन्दा अन्य वडा सरह बजेट बिनियोजन गरिँदै आएको भन्दै गुनासो गरे ।

सुवेदी लमही नगरपालिका प्रतिनिधित्व गर्ने ४७ जना मध्ये ४६ जना नेपाली कांग्रेस र एक जना नेकपा माओवादी केन्द्र पार्टीका प्रतिनिधि हुन ।उनले आफू फरक बिचारधारा भएकै कारण कुनै पनि बिषयगत समितिको संयोजकमा नराखिएको सदस्य रहे पनि आफ्नो सुझाव नसुनिएको भन्दै सदस्यवाट समेत राजीनामा दिएको बताए । त्यति मात्र होइन नेपालकै दोस्रो धनी लमही नगर बिकास समिति वडा नम्ब५ मा रहे पनि समितिको सदस्य समेत नराखिएको बताए । उनले लमहीमा ढल निकास, फोहोर ब्यबस्थापन देखि लमही कोइलाबास सडक अन्तर्गत हटाउन लागेका संरचना ब्यबस्थापनका लागि बजेट नभएको बताए बताउँदै उक्त शहरी बिकश मन्त्रालयबाट आएको बजेट पारेको भए सहज हुने बताउँछन् । उनले मेयर उपमेयरका लागि बिनियोजन गरिँदै आएको लाखौं बजेट लमहीमा कुनै योजना खर्च नगरेको बताए ।