खोज

बुटवल, ३० साउन ।

नेकपा एमाले बुटवल उपमहानगर कमिटीले बुटवलको अमरथ लगायतका क्षेत्रमा अनुगमन गरेको छ । नेकपा एमाले नगर कमिटीका पदाधिकारी सहित जिल्ला कमिटी उपसचिव बाबुराम पन्थी नगर कमिटि अध्यक्ष किसन ज्ञावाली, उपाध्यक्ष शोभाखर पोखरेल, सचिव मेघराज भट्टराई, जिल्ला कमिटी सदस्य वालकृष्ण पाण्डे लगायतको टोलीले अमर पथ , हाटबजार, इलाका प्रहरी कार्यालय पछाडी नाली लगायतको क्षेत्रमा अनुगमन गरेको हो ।

सामान्य बर्षा हँुदा नाली भरिने र बुटबल डुवानमा पर्ने समस्या भएपछि नगर कमिटीले अनुगमन गरेको हो । अनुगमनको क्रममा बोल्दै नेकपा एमाले रुपन्देही जिल्ला कमिटी उप सचिव वावुराम पन्थीले अनुगमनको क्रममा ईलाका प्रशासन पछाडको नालामा बनाएको आउटलेड डाउन भएको कारणले पानि उतै फकर्ने परिस्थिति बनेकाले यसको समस्या आएको वताए । आउलेटको समस्या समाधान नहुन्जेल यो समस्या निरन्तर रहिरहने बताए ।

अमरपथमा रहेको शिल्पकला भवनको कारणले नाली जाम भएर बजार डुवान भएको हँुदा शिल्पकला भवन तत्काल हटाई नालीलाई सफा गर्न नगरपालिकालाई आग्रह गरे । बुटबललाई दीर्घकालीन रुपमा बजारमा पानि नआउने गरी गोलपार्क, ट्राफिक चोक, पुष्पलाल पार्क लगायतका ठाउँहरुवाट आउलेट निर्माण गरी तिनाउ खोलामा पानी जाने वातावरण सिर्जना गर्न आग्रह गरेको छ ।

नाली निर्माणको लागि आवश्यक पर्ने बजेटको लागि पहल गर्न नेकपा एमाले तयार रहेको बताउँदै डुबानका कारण बजार अस्त व्यस्त हुने कुरा नेकपा एमालाई स्वीकार्य नरहेको बताए ।
नगर प्रमुख खेलराज पाण्डेले छोटो प्रतिक्रिया दिदै नेकपा एमालेले उठाएका मागहरु जाहेज रहेको बताउँदै नाली व्यबस्थापनका लागि तत्काल सर्वदलीय वैठक राखी अगाडी वढ्ने प्रतिवद्धता समेत व्यक्त गरे ।