खोज

बुटवल, २२ साउन । लुम्बिनीका पर्यटन ब्यवसायीहरुले आफनो क्षेत्रका सम्पदाको पहिचान गर्दै पर्यटन प्रवद्र्धनका कार्यक्रम अघि बढाउनुपर्ने एक कार्यक्रममा बोल्ने बक्ताहरुले सुझाव दिएका छन । लुम्बिनी प्रदेशको आर्थिक समृद्धिको आधार पर्यटन भएको भन्दै यस क्षेत्रका सरोकारवाला यसमा लाग्नुपर्ने उनिहरुको दाबी छ । होटल ब्यवसायी महासंघ लुम्बिनी प्रदेशमा नेतृत्व लिएका रुपन्देहीका प्रतिनिधिहरुलाई होटल तथा रेष्टुरेन्ट ब्यवसायी संघ रुपन्देहीले सम्मान तथा शुभकामना कार्यक्रममा बोल्ने बक्ताहरुले सास्कृतिक, धार्मिक र सामरिक सम्पदाले भरिपूर्ण प्रदेशको प्रचारमा जोड दिनुपर्ने उनिहरुले बताए ।

संघको सचिवालयमा संघका प्रमुख सल्लाहकार माधव नेपाल, संघका अध्यक्ष लेखनाथ भण्डारी, सल्लाहकार समुन्द्र जिसि, सल्लाहकार प्रेमलाल पाण्डे, वरिष्ठ उपाध्यक्ष माधव खनाल, पर्यटन उपाध्यक्ष रोमाकान्त पाण्डे, महासचिव अर्जुन थापाले महासंघका नवनिर्वाचित अध्यक्ष महेन्द्र श्रेष्ठ, महासचिव गणेश बेल्बासे, सहसचिव लिलाधर भट्टराई, सदस्य रामप्रसाद गौतम, मोहनलाल पाण्डेलाई बधाई तथा शुभकामना दिए ।
कार्यक्रममा संघका प्रमुख सल्लाहकार तथा पर्यटन ब्यवसायी माधव नेपालले पर्यटन ब्यवसायीहरु नै पर्यटनबारे अनविज्ञ रहेको बताउदै यसबारे बुझन र जान्न आग्रह गरे । पर्यटनको ६५ वटा पाटोमध्ये एउटा पाटो होटल ब्यवसाय भएको भन्दै यो संवेदसिल पाटोका रुपमा रहेको बताए । अतिथिलाई सत्कार र सेवासंगै आफनो क्षेत्रका सम्पदाबारे ब्याख्या गर्न सक्नेगरि अध्ययनशिल हुन उनले सम्पूर्ण ब्यवसायीहरुलाई सुझाव दिए । ‘सम्पदा क्षेत्रको पहिचान गरि पर्यटकलाई लग्ने र प्रतिष्ठानबाट मिठो पस्कनुपर्छ ।’—उनले भने ।

कार्यक्रममा संघका अध्यक्ष लेखनाथ भण्डारीले रुपन्देही जिल्लामा ब्यवसायीहरुको हकहितका लागि संस्थागत रुपमा धेरै कामहरु भएको भन्दै निरन्तर यो काममा अन्य संघसंस्थाहरुबाट सहयोग मिलेको बताए । पर्यटन ब्यवसायीको रुपमा आफुहरुको पहिचान हुने गरि संस्थागत र ब्यक्तिगत विकासमा जोड दिएको उनले बताए ।

कार्यक्रममा प्रदेशका नवनिर्वाचित अध्यक्ष महेन्द्र श्रेष्ठले कोभिड र आर्थिक मन्दीकै कारण प्रदेश समितिको पाच वर्षको अवधिमा संस्था चलायमान हुन नसकेको भन्दै योजना बनाएरै ब्यवसायीहरुलाई संगठत गरेर अघि बढ्ने उनले प्रतिवद्धता जनाए । अब काम गर्ने चुनौती नेतृत्वमा आएको भन्दै विशेष चनाखो भएर लाग्ने उनले बताए ।

कार्यक्रममा सल्लाहकार समुन्द्र जिसि, संघका सल्लाहकार प्रेमलाल पाण्डे, संघका महासचिव अर्जुन थापाले रुपन्देहीबाट स्थापना भई ब्यवसायीहरुको हकहितलाई प्रदेश र राष्ट्रियस्तरमा उठाउने गरि संरचना जान सफल भएको भन्दै ब्यवसायिक हकहितको पक्षमा नितिगत सुधार हुने गरि प्रदेश सरकारसंग पहल गर्ने गर्नुपर्ने बताए । प्रदेशमा ११ हजार ब्यवसायीहरु भने देशभर ७० हजार ब्यवसायीहरु रहेका छन ।