खोज

बुटवल, २५ असार । रुपन्देहीका होटल तथा रेष्टुरेन्ट ब्यवसायीहरुलाई १६ दिने निशुल्क वारिस्ता दिईएको छ । ईन्स्योर परियोजना बुटवल, रुपन्देही उद्योग संघको आर्थिक सहयोगमा स्टेरिङ ईन्टरनेश्नल कलेज अफ हस्पिटालिटिको प्राविधिक सहयोगमा होटल तथा रेष्टुरेन्ट ब्यवसायी संघ रुपन्देहीको आयोजनामा दुई वटा समुहलाई १६ दिने तालिम दिईएको हो ।

एक समारोहका बिच रुपन्देही उद्योग संघका अध्यक्ष दिलिप सापकोटा, होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारी, संघका द्घितिय उपाध्यक्ष प्रेम भट्टराई, रुपन्देही उद्योग संघका सिईयो यादव भण्डारी, ईन्स्योर तालिम संयोजक खिमानन्द रिजाल, संघका तालिम संयोजक माधव ढकालले तालिममा सहभागी प्रशिक्षार्थीहरुलाई प्रमाणपत्र वितरण गरेका छन ।

कार्यक्रममा रुपन्देही उद्योग संघका अध्यक्ष दिलिप सापकोटाले दिगो तथा सम्मानित रोजगारका लागि सीप परियोजना (दोस्रो चरण) कामदारहरुको लागि थप सीप तालिम कार्यक्रम अन्तरगत तालिम दिईएको बताए । दक्ष र स्वरोजगार युवा उत्पादन गर्ने लक्ष्यसहित ईन्स्योर परियोजनासंग समन्वय गरि रुपन्देही उद्योग संघ विगत २ वर्षदेखि तालिम चलाउदै आएको उनले बताए । सेवा उद्योगका रुपमा रहेको होटलमात्र नभई विभिन्न अन्य उद्योगहरुलाई आवश्यक पर्ने कामदारको क्षमता विकासका तालिम दिदै आएको उनले बताए । होटल ब्यवसायीहरुलाई बारिस्ता, फ्रन्ट डेक्स, तथा बिटिआईमा गेस बेल्डिङ, अटो क्याटका साथै नेपालगंजमा स्टोमेसन, अटोमेशन, भिएफडीका तालिम दिईएको उनले बताए ।

कार्यक्रममा होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारीले होटल ब्यवसायीबाट पर्यटन ब्यवसायीका रुपमा रुपान्तरण भईरहेको बताए । सीप नभए कुनै पनि काममा सफलता मिल्न नसक्ने उदाहरण दिदै उनले ब्यवसायीहरुको दक्षता बढाउन तर्फ जोड दिएको बताए । पछिल्लो समय कफिको बजारमा राम्रो रहेको भन्दै उनले सीप सिकाएर दक्षता अभिवृद्धिमा संस्थाबाट थप ब्यवस्थित गर्ने काम भएको बताए ।

कार्यक्रममा प्रशिक्षार्थी मीन तिवारीले तालिमको सिकाई ब्यवहारमा लागु हुने बताए । कफिका प्रकार र त्यसका बनाउने विधि सिक्न सफल भएको उनले बताए ।

कार्यक्रममा स्टेरिङ ईन्टरनेश्नल कलेज अफ हस्पिटालिटिका एमडी धिरज राकसमगरले युवा वर्गलाई लक्षित गरि दिईने तालिमबाट दक्ष जनशक्ति उत्पादन हुने बताए । तालिममा केवल वारिस्तामात्र नभई सेवामुलक उद्योगमा आवश्यक पर्ने ब्यवहारिक विषयमा समेत ज्ञान तालिममा दिईएको उनले बताए । बिदेश जाने सोच बनाउने युवाहरुलाई देशमा नै अवसर सृजना हुने गरि संघसंस्थाहरु लाग्नुपर्ने उनले सुझाव दिए । प्रशिक्षक चिरन ढुगाना, धिरज राकसमगरले प्रशिक्षण दिएका तालिममा रुपन्देहीका विभिन्न ४० जना होटल तथा रेष्टुरेन्ट ब्यवसायीहरुले सहभागी भएको संघका महासचिव अर्जुन थापाले बताए ।