खोज

बुटवल, २५ असार । ऐतिहासिक र धार्मिक महत्व बोकेको बुटवल उपमहानगरपालिका वडा नं. १ को कृष्णेश्वर महादेव मन्दिर संरक्षणमा स्थानीयहरू जुटेका छन् । मन्दिर ब्यवस्थापन समिति गठन गरि नियमित भजनकिर्तन र श्रावणी महिनाभर जलार्पण गरिने उनले बताए । यो २७४ वर्ष पुरानो मन्दिर भएको कृष्णेश्वर महादेव मन्दिर ब्यवस्थापन समितिका अध्यक्ष राजु लिगलले बताए । ढुंगालाई कुदेर आकर्षक मन्दिर बनाइएको छ । जसलाई मर्मत सम्हार र ब्यवस्थित गरिएको छ ।

जंग बहादुर राणाको नाती वीर जंग राणाले निर्माण गरिएको यो मन्दिर संरक्षणमा स्थानियहरू लागेका हुन । उनी नुवाकोट हुँदै बुटवल झर्ने बेला तिनाउमा स्नान गरि यो मन्दिरको निर्माण गरिएको मानिन्छ । प्यागोडा शैलीमा निर्माण भएको यो मन्दिर निक्कै पुरानो र धार्मिक महत्वको मन्दिर भएको उनले बताए । जुन नरेनापुर मन्दिरको आकारकै रहेको छ। निसन्तान दम्पतीलाई सन्तान, सन्ततीहरूको लाभको कामनासहित मागिएको वर पूरा हुने उनले बताए ।

साउनको ७ गतेदेखि भदौ ३ गते जनैपुर्णिमासम्म जलार्पण कार्यक्रम राखिएको छ । कृष्णेश्वर महादेव मन्दिर ब्यवस्थापन समितिका अध्यक्ष राजु लिगलले बुटवल बजारको ईतिहास ५ सय वर्ष पुरानो रहेको भन्दै यसको पहिचानलाई उजगार गर्ने काम मन्दिरले गर्ने बताए । हाल साप्ताहिक रूपमा सोमबार नियमित भजनक्रितन, विभिन्न दाताहरूबाट संकलन भएको सहयोगबाट अक्षयकोष निर्माण गर्ने योजना रहेको उनले बताए ।

बुटवलमात्र नभई धेरै स्थानबाट निसन्तानहरू सन्तान प्राप्ती गरेको धेरै घटनाहरू रहेको उनले सुनाए । मन्दिरलाई ब्यवस्थित गर्दै लैजाने गरि आवश्यक कामलाई समितिमार्फत अघि बढाईएको उनले बताए । पारी बुटवलको सांस्कृतिक नगरको रूपमा चिनिन्छ जहाँ गाईजात्रा, घोडेजात्रा, रोपाईजात्राहरू मनाईन्छ । साढे १० धुर जग्गामा मन्दिर निर्माण भएको छ ।