खोज

बुटवल, १७ असार । फ्लेयर बारटेन्डरमा रुचि राख्ने युवाहरुलाई लक्षित गरि रुपन्देहीमा लिक्युड मास्ट्रो सिजन–२ आयोजना गरिएको छ । पाच वर्षको अन्तरालमा स्टुडेन्ट फोरम अफ ककटेल वर्कसपको आयोजनामा सोमबार लिक्युड मास्ट्रो सिजन–२ शुरु भएको हो । स्मिरनफको मुख्य प्रायोजनमा प्रेमपद्मा ट्रेड, ह्याप्पिनेश क्याफेले सहयोग रहेको छ । प्रतियोगितामा मुख्य जजका रुपमा गिनिज बुक होल्ड रेकर्ड ईन फ्लेयर बारटेन्डिङ भारतका सचिन गडुवा छन । यसैगरि प्रतियोगितामा अर्का जज राम गौतम रहेका छन । लिक्युड मास्ट्रो सिजन–१ भने सन २०१९ मा पहिलोपटक रुपन्देहीमा आयोजना गरिएको थियो ।

प्रतियोगिताको उपाधि विजेताले नगद ५० हजार रुपैयासहित कप, मेडल, प्रमाणपत्रबाट पुरस्कृत गरिने छ । यसैगरि उपविजेताले नगद ३० हजार तथा तृतिय स्थान हासिल गर्नेले नगद २० हजार रुपैया, कप, मेडल, प्रमाणपत्रबाट पुरस्कृत गरिने छ । यसैगरि प्रतियोगितामा बेष्ट फ्लेयर मोभ र बेष्ट ककटेल दुई विधामा समेत नगद ५–५ हजार रुपैया, प्रमाणपत्रबाट पुरस्कृत गरिने कार्यक्रमका संयोजक सागरिका लामाले बताए ।

स्टेप अप हस्पिटालिटीका संचालक बिष्णु सारुले विद्यार्थीहरुको चाहना अनुसार प्रतियोगिता गरिएको बताए । अन्तराष्ट्रिय मंन्चमा सहभागी भएका उनि देशभित्र नै राखिएको कार्यक्रमबाट सिक्दै गरेका युवाहरुमा थप प्रोत्साहन मिल्ने बताए । सहभागी सबैलाई गिफ्ट उपलब्ध हुने बताए । प्रतियोगितामा नेपालका रुपन्देही, ईटहरी, काठमाडौं, पोखरा, झापा, बिर्तामोड लगायतका स्थानबाट २७ जना सहभागी रहेका छन ।