© २०२३
१ बैशाख २०८२, सोमबार
१ बैशाख २०८२, सोमबार
लमही ,७ असार । लुम्बिनी प्रदेश सभा बैठक अवरुद्ध भएको छ। प्रमुख प्रतिपक्षी दल नेपाली कांग्रेसले बजेटको विषयलाई लिएर शुक्रबारको बैठक अवरूद्ध पारेको हो।
बजेट जनतामैत्री नभएको र संघीयताविरोधी आएको भन्दै कांग्रेसले विरोध गरेपछि बैठक स्थगित भएको छ।
बैठकको सुरूमा कांग्रेस संसदीय दलका नेता तथा यसअघिका मुख्यमन्त्री डिल्लीबहादुर चौधरीले आफनो धारणा राखेका थिए। त्यसलगतै कांग्रेसले सदन अवरूद्ध गरेको हो। दल नेता चौधरीले धारणा राखिसकेपछि कांग्रेसका सबै सांसदहरूले आ–आफ्नो स्थानबाट उठेर विरोध जनाएका थिए।
बैठक सञ्चालन भएको पाँच मिनेट ५९ सेकेण्डमा सदन अवरुद्ध भएको हो। प्रतिपक्षी दल नेपाली कांग्रेस र सत्तापक्षका दलहरूका बीचमा सदन खुलाउनेबारे छलफल भएपनि सहमति जुट्न नसकेपछि वैठक स्थगित भएको छ ।
चौधरीले आम जनतालाई मल बिउ पुर्याउन नसक्ने तर औचित्यहीन क्षेत्रमा पैसाको खोलो बगाउने यो कस्तो प्राथमिकता हो भनेर पनि प्रश्न गरेका थिए। उनले संघीता विरोधी बजेट भएको हुदा कांग्रेसले यसको विरोध गरेको बताए । घाटाको बजेट ल्याउने र पुरा नहुने राजश्व संकलनको लक्ष्य देखाएर आम नागकिलाई भ्रममा पारिएको बताए।
© २०२३
सर्वाधिकार सुरक्षित
Design & Developed By:
