खोज

तिलोत्तमा,२४ जेठ ।    तिलोत्तमाको प्यारामाउन्ट माविले आयोजना गरेको एसईई ओपन टि १० क्रिकेट टुर्नामेन्ट अन्तर्गत आज पनि ५ खेल हुंदैछन् ।

तिलोत्तमा ८ ज्योतिनगरस्थित खेल मैदानमा सञ्चालन भइरहेको प्रतियोगितामा आज पहिलो खेल लगइन र नमबुद्धबीच, दोस्रो खेल फोकस र सेमलारबीच, तेस्रो खेल एमबीसी र आरम्भ ए बीच हुने विद्यालयले जनाएको छ ।

यस्तै चौथो खेल गुरुकुल बी र सिद्धार्थीयन बीच तथा पांर्चाैं खेल आरम्भ बी र टिम महिरतबीच हुने विद्यालयका प्लस टु संयोजक सुरज बस्यालले जानकारी दिए ।
यसअघि हिजो पनि पांच खेल सम्पन्न भएका थिए । २६ टिमको सहभागिता रहेको टुर्नामेन्टमा प्रथमलाई १० हजार र दोस्रो हुने टिमलाई ६ हजार नगद पुरस्कारका साथै ट्रफी र मेडल प्रदान गरिने छ ।

यस्तै बेस्ट ब्याटस्म्यान,बेस्ट बलर,बेस्ट फिल्डर , म्यान अफ द सिरिज र म्यान अफ द म्याचलाई पनि पुरस्कृत गरिने कार्यक्रम रहेको प्लस टुका अर्का संयोजक लक्ष्मण अर्यालले जानकारी दिए ।

अहिलेको लोकप्रिय खेल क्रिकेट र क्रिकेट खेलाडी विद्यार्थीको क्षमता विकासलाई प्यारामाउन्टले उच्च प्राथमिकता दिएर यो प्रतियोगिता आयोजना गरेको विद्यालयका संस्थापक प्राचार्य दामोदर भुसालले बताए ।