खोज

बुटवल, ९ जेठ । बुटवलमा सम्पन्न उजिरसिह वडा कप २०८१ को उपाधि डिफेन्डिङ च्याम्पियन वडा नं. ३ ले चुमेको छ । बुटवल उपमहानगरपालिकाको आर्थिक सहयोगमा बुटवल क्रिकेट विकास समितिको आयोजनामा मंगलबार भएको फाईनलमा वडा नं. ११ ले ९ रनले पराजित गर्दै उपाधि चुमेको हो । उपाधि संगै वडा नं. ३ ले नगद ३० हजार, कप, मेडल र प्रमाणपत्रबाट पुरस्कृत भएको छ । उपविजेता वडा नं. ११ भने नगद १५ हजार, कप, मेडल, प्रमाणपत्रमा चित्त बुझायो । प्रतियोगिातमा म्यान अफ दी सिरिज सुरज सारुमगर, उत्कृष्ट बलर वडा नं. १० का तोसिब आलम, ब्याट्सम्यानलाई सुरज सारु पुरस्कृत भए ।

नहरपुर माबिस्थित मैदानमा भएको खेलमा टस जितेर वडा नं. ३ ले १९.३ ओभरमा ११६ रनको लक्ष्य खडा गरेको थियो । उसका लागि सुरज सारुले ३६ बलमा ३९ रन तथा समिर राउतले ९ बलमा १३ रनको योगदान दिए । वडा नं. ११ का सन्तोष परियाले ५ तथा प्रकाश गिरिले ३ बिकेट लिए । मध्यम लक्ष्य पछ्याएको वडा नं. ११ भने १९.३ ओभरमा केवल १०७ रनमा समेटियो । उसका लागि बिशाल मौयाले ३५ बलमा ५८ तथा जगत क्षेत्रीले ३६ बलमा १६ रन बनाए । कम स्कोरमा रोक्न वडा नं. ३ का सगुन खत्री र सुरज सारुले ३—३ बिकेट लिए । खेलमा वडा नं ३ का सुरज सारु प्लयेर अफ दी म्याचबाट पुरस्कृत भए ।

एक समारोहका बिच एक समारोहका बिच बुटवल नगर खेलकुद विकास समितिका संयोजक बोनिनपिया, लुम्बिनी क्रिकेट संघका अध्यक्ष संजय गुरुङ, खेलकुद विकास समितिका सदस्य शेरजंग गुरुङ, रुपन्देही क्रिकेट संघका कोषाध्यक्ष निरजप्रताप खाड, बुटवल उपमहानगरपालिका वडा नं ३ का वडाअध्यक्ष विष्णु ढकाल, समितिका अध्यक्ष रोमित बज्राचार्य, सचिव पुनित पोखरेल, सहसचिव आयुष बोगटीले पुरस्कार वितरण गरेका छन ।