खोज

दाङ, ७ जेठ ।

नेकपा एमाले दाङको यही जेठ ६ र ७ गते चलेको जिल्ला अधिबेशनमा जिल्ला अध्यक्षमा एमालेका पुराना नेता शिबकुमार आचार्यको नाम टुङ्गो लागेको छ । आचार्यको नाम सर्बसम्मतले टुङ्गिएको बताइएको छ । आचार्य यसअघि एमालेको लुम्बिनी प्रदेश कमिटि सदस्यको जिम्मेवारीमा थिए । यसपाली जिल्ला अध्यक्ष बन्नका लागि जिल्ला प्रतिनिधी बनेर आएका थिए ।

तत्कालिन जिल्ला अध्यक्ष हुकुम बस्नेतकै पालामा जिल्ला अध्यक्ष दाबी गरेका आचार्य यसपाली अध्यक्ष हुन सफल भएका छन । आचार्य एमाले भित्र पुराना नेताकारुपमा चिनिन्छन । एमाले महासचिव शंकर पोखरेलको बहिनी मेनका पोखरेलका श्रीमान हुन् । दाङको कम्युनिस्ट आन्दोलनमा उनी लामो समय भुमिगत जीवन बिताएका थिए । एमाले दाङको उपाध्यक्षमा मनोहर बुढाथोकीको नाम टुङ्गो लगाएको छ ।

बुढाथोकी यस अघि सचिबको जिम्मेवारीमा थिए । बर्तमान अध्यक्ष हुकुम बस्नेत र सचिब बुढाथोकी बिच नेतृत्वको बारेमा टकराब बढ्दै गएपछि आचार्य यसपटक नेतृत्वमा पुग्न सफल भएका हुन । अन्य पदमा सर्ब सम्मतका लागि पहल भइरहेको छ । सचिबका लागि बिबेक श्रेष्ठ र श्याम डाङी बिच प्रतिष्पर्धा चलेको छ । श्रेष्ठलाई बस्नेतले अघि सारेका छन भने श्यामलाई मनोहरले अघि सारेको पार्टी निकट स्रोतले बतायो । पदाधिकारी र सदस्यको अन्तिम नामावलि टुङ्गो लगाउने जिम्मा घोराहीका मेयर नरुलाल चौधरी र तुलसीपुरका पूर्व मेयर घनश्याम पाण्डेलाई दिईएको छ ।