© २०२३
२७ भाद्र २०८१, बिहीबार
२७ भाद्र २०८१, बिहीबार
बुटवल, ३१ बैशाख । रुपन्देहीका रेष्टुरेन्ट तथा होटल ब्यवसायीहरुलाई फ्रन्ट अफिस ब्यवस्थापन तालिम शुरु भएको छ । रुपन्देही उद्योग संघको समन्वय ईन्स्योर परियोजनाको आर्थिक सहयोगमा रुपन्देही होटल तथा रेष्टुरेन्ट ब्यवसायी संघको आयोजनामा ब्यवसायीहरुलाई १६ दिने (९६ घण्टा) फ्रन्ट अफिस ब्यवस्थापन तालिम दिईएको हो ।
तालिमको उद्घाटन गर्दै रुपन्देही उद्योग संघका अध्यक्ष दिलिप सापकोटाले क्षमता विकासका ब्यक्तिगत र संस्थागत रुपमा तालिम आवश्यक पर्ने बताए । पाहुनालाई मुस्कानसहितको सेवा पर्यटन ब्यवसायमा पहिलो र महत्वपूर्ण कला भएको उनले बताए । अहिलेको अवस्थामा धेरै प्राविधिक उत्पादन गर्ने विद्यालयहरुबाट उत्पादित जनशक्ति पलायनको अवस्था रहेको भन्दै उनले ब्यवसाय धरासायी बन्दै गएको बेला तालिममार्फत जनशक्ति उत्पादन गर्न मद्यत मिलेको दाबी गरे । ‘तालिम स्वरोजगार बन्ने खुड्किलो हो ।’— उनले भने । संघको समन्वयमा विगतबाट नै हस्पिटालिटि, अटोमोबाईल्स, सिभिल लगायत धेरै क्षेत्रमा संस्थागत रुपमा तालिममार्फत क्षमता विकास गर्दै आएको उनले बताए ।
कार्यक्रममा आयोजक रुपन्देही होटल तथा रेष्टुरेन्ट ब्यवसायी संघका अध्यक्ष लेखनाथ भण्डारीले शिक्षा र सीप सबैभन्दा ठूलो सम्पत्ति भएको बताए । घरपछिको दोस्रो घर होटल भएको भन्दै यहाँ आउने पाहुनालाई दिईने स्वागत सत्कारको महत्व रहने उनले बताए । तालिममा सिकेका अक्षरस ब्यवहारमा पालना गर्न सकेमात्र प्रभावकारी बन्ने उनले बताए । तालिम एउटा अवसरका रुपमा लिनुपर्ने भन्दै उनले बुटवललाई टुरिजमको हबका रुपमा विकास गर्न तालिमहरुबाट थप मद्दत मिल्ने बताए । आफ्नो ठाउको बारे परिचय दिनसक्ने, पर्यटकिय गन्त्ब्यहरु जानकारी दिनसक्ने, अध्ययन जरुरी पर्ने उनले बताए ।
कार्यक्रममा संघका तालिम संयोजक तथा सहकोषाध्यक्ष माधव ढकालले ‘अतिथि देव भव’ पर्यटन ब्यवसायको मुलमन्त्रलाई आत्मसात गर्ने ब्यवसायीहरुलाई क्षमता विकास गराउने लक्ष्यसहित तालिमलाई जोड दिदै आएको बताए । तालिममा पाहुनाहरुलाई सत्कार गर्ने, मीठो बोल्ने र मुस्कान सहितको सेवालाई जोड दिईने उनले बताए । ठूलो रकम तिर्नुपर्ने तालिमलाई दातासंस्थाहरुको सहयोगमा निशुल्क ब्यवस्था गरिएको उनले बताए । ब्यवसायीहरुको माग अनुसार बारिस्टा, हाउस किपिङ लगायतका थप तालिमलाई जोड दिदै जाने उनले बताए । जिल्लालाई नै नमुना सेवामुलक पहिचान दिने गरि अघि बढाईएको उनले बताए । दिगो तथा सम्मानित रोजगारीका लागि सीप परियोजना (दोस्रो चरण) कामदारहरुको लागि थप सीप तालिम कार्यक्रम अन्तरगत डाईनामिक टेक्निकल एजुकेन तथा भोकेसनल ट्रेनिङ प्रालिको प्राविधिक सहयोगमा तालिम दिईएको उनले बताए ।
कार्यक्रममा पर्यटन उपाध्यक्ष रोमाकान्त पाण्डे, द्घितिय उपाध्यक्ष प्रेम भट्टराई, सीप विकास ईकाईका कार्यक्रम संयोजक खिमानन्द रिजाल, संघका महासचिव अर्जुन थापा, ट्रेनिङ प्रालिका म्यानेजिङ डाईरेक्टर अरुणराज मैनाली, संघका तिलोत्तमा शाखा अध्यक्ष मीन तिवारीले सेवाग्राहीसंग गर्ने व्यवहारलाई पर्यटन ब्यवसायमा महत्व राख्ने भन्दै यही क्षमता विकासमा तालिम दिईएको बताए । मुख्य प्रशिक्षक मिना राना, प्रशिक्षक अजय गौतमले सहजिकरण गर्ने तालिममा रुपन्देहीका दुई दर्जन ब्यवसायीहरु सहभागि रहेका छन ।
© २०२३
सर्वाधिकार सुरक्षित
Design & Developed By:
