© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल,३० बैशाख । रुपन्देहीको देवदह खयरडांडामा कलाकारहरुले ऐतिहासिक देवदह झल्काउने दुई दर्जन बढी तस्वीर कोरेका छन् । क्यानभासमा ऐतिहासिक देवदह नामक कार्यशालामा रुपन्देहीका स्थापित २४ जना पेन्टिङ कलामा पोख्त कलाकारहरुले देवदह र बुद्धको जीवनी जोडिएका इतिहासलाई तस्वीर चित्रमार्फत उजागर गरेका छन् ।
२५६८ औं बुद्धजयन्तीको पूर्वसन्ध्यामा ड्रिम देवदह यूनिटी फर चेञ्जको आयोजनामा दुई दिने कार्यशाला गरिएको हो । कार्यशालाको एक समारोहका बीच शनिबार उद्योग पर्यटन तथा सहकारी मन्त्री खड्ग बस्नेतले समापन गरेका हुन् । समापन समारोहमा बोल्दै मन्त्री बस्नेतले कार्यशालाले पर्यटन प्रबर्द्धनमा ठूलो टेवा दिने बताए । उनले कलाकारहरुले निकै मेहनतका साथ बुद्ध र देवदहको इतिहास उतारेको बताउँदै यसमा प्रदेश सरकार पनि सहकार्य गर्न इच्छुक रहेके बताए ।
कार्यक्रममा लुम्बिनी प्रदेशसभा सदस्य जानकी न्यौपानेले देवदह बुद्धको मावली स्थल भएकाले यहाँको विकासका लागि कार्यशालाले ठूलो सहयोग गर्ने बताइन् ।
यस्तै कार्यक्रममा देवदह नगरपालिकाका उपप्रमुख विद्यालक्ष्मी गुरुङले खयरडाँडा जस्ता पुरातात्विक स्थलमा गरिएको कार्यशालाले देवदहको पर्यटन प्रवर्द्धनमा ठूलो टेवा दिने बताउँदै स्थानीय सरकारका तर्फबाट यसको संरक्षणमा ध्यान दिने बताइन । यस्तै लुम्बिनी विकास कोष कोषाध्यक्ष सिद्धिचरण भट्टराईले देवदहको इतिहासबलाई क्यानभासमा उतार्ने कार्यले देवदहको पर्यटन प्रवर्द्धनमा महत्त्वपूर्ण टेवा पुग्ने बताए । ड्रिम देवदह यूनिटी फर चेञ्जका अध्यक्ष समेत रहेका भट्टराईले कलाकारहरुले उतारेका ऐतिहासिक चित्रहरुले देवदह र बुद्धको जीवनलाई उतारेको बताए ।
समापन कार्यक्रममा देवदह नगरपालिकाका पूर्व नगरप्रमुख हिराबहादुर खत्री, वडाअध्यक्ष मोहन बहादुर जिसि, नेपाल ललित कला प्रज्ञा प्रतिष्ठानका प्राज्ञ गोविन्द चौधरी, खयरडाँडा संरक्षण समिति देवदह ९ का सल्लाहकार पिताम्बर खराल, सचिव दिपेश बस्याल, पवन पौडेल लगायतले बोलेका थिए । २४ जना कलाकारले क्यानभासमा उतारेका चित्रहरुमा देवदहको इतिहास कोरिएको छ । २ दिने कार्यशालाबाट बनेका २८ वटा चित्रहरुलाई व्यवस्थित रुपमा राख्ने ड्रिम देवदह यूनिटि फर चेञ्जका सचिव दिपेश बस्यालले जानकारी दिए ।
ड्रिम देवदहको आयोजना, नेपाल ललितकला प्रज्ञा प्रतिष्ठानको सहकार्यमा भएको कार्यशालाको देवदह नगरपालिका संरक्षक, पर्यटन डिभिजन कार्यालय रूपन्देही सह–आयोजक र लुम्बिनी विकास कोष प्रर्वद्धक हुन । कार्यशालाको शुक्रबार लुम्बिनी प्रदेशका महिला बालबालिका तथा जेष्ठ नागरिक मन्त्री भगवती अधिकारीले कार्याशालाको उद्घाटन गरेकी थिइन ।
कार्यशालामा कलाकारहरु मन गोल्डी, एचबी रम्मेल,विष्णु सुवेदी, यमबहादुर थापा, दिलिप रसाली,खेम घिमिरे,सुमित्रा राना, वेनु थापा,विवेक खनाल, डोलप्रसाद आले, चन्द्र बहादुर खड्का, भिम श्रेष्ठ, विना कुमारी सापकोटा, प्रितम राना,विशन गुरुड,सुग्रीम हरिजन,रिक्की नेपाली, अजय नेपाली,अमर क्षेत्री,सागर नेपाली,घनश्याम थापा,गंगाधर आचार्य पुरन चौधरी र गोविन्द चौधरीले फरक फरक चित्र कोरेका थिए ।
तस्वीरहरु : टिआर शर्मा
© २०२३
सर्वाधिकार सुरक्षित
Design & Developed By:
