खोज

बुटवल, ५ बैशाख । ‘धर्म संस्कृति प्रति हाम्रो सम्मान, पर्यटन प्रबर्द्घन हाम्रो अभियान’ नारासहित कृष्ण गण्डकी शालिग्राम पर्यटन प्रतिष्ठानको आयोजनामा शालिग्राम महोत्सव वर्ष २०८१ हुने भएको छ । धार्मिक मार्ग यात्रा शुभारम्भ तथा महोत्सव घडा स्थापना कार्यक्रम बैशाख ७ गते सुनौलीदेखि शुभारम्भ भएर मुक्तिनाथ धामसम्मको यात्रा हुने भएको हो ।

पछिल्लोसमय पर्यटन ब्यवसायमा देखिएको मन्दीको बिकल्पको खोजी गर्दै नया पाटो धार्मिक पर्यटनलाई रोजेको नाटा लुम्बिनीका अध्यक्ष रचना पन्तले बताईन । पर्यटकिय स्थलको खोजी गर्दै दिर्घकालिन पर्यटक विकासको लक्ष्य अघि बढाएको उनले बताईन । वार्षिक २० लाख पर्यटक भित्राउने लक्ष्य रहेको उनले भनिन । स्थानिय पालिकासंग दुई वर्षदेखि निरन्तर कार्यक्रमबारे समन्वय गर्दा पनि यसबारे बुझाउन नसकेको उनले दुखेसो गरिन । ‘सम्पदा साझा हो ।’—उनले भने । शालिग्रामलाई धार्मिक लिईने गरिदै आएकोमा यो पर्यटनसंगै जोडेर महोत्सवको रुपमा नामाकरण दिएको उनले बताईन । यसैबिच १८ दिनको पद्म पुराण समेत लगाईने उनले बताईन । सबैको साथ र सहयोग पाएमा महोत्सव सफल हुने उनले बताईन । नेपाल देशमा मात्र पाईने शालिग्रामको महत्वलाई विश्वभर चिनाउने र पर्यटन प्रवर्घनमा आफु अघि बढेको उनले बताईन । लुम्बिनीमा दैनिक ४ हजार पर्यटक भित्रने गरेपनि यसको फाईदा भारतिय पर्यटन ब्यवसायलाई भईरहेको अवस्थामा यो अभियानबाट प्रत्यक्ष नेपाली पर्यटन ब्यवसायीहरुलाई दिर्घकालिन फाईदा मिल्ने दाबी गरे । गाउमा रहेका संस्कृतिहरुलाई समेटेर होमस्टेसम्म चल्न सक्ने सम्भावना रहेको छ ।
कार्यक्रममा सिद्घार्थ होटल एशोसियसनका अध्यक्ष सिपि श्रेष्ठ, सिद्घार्थ होटल एशोसियसनका उपाध्यक्ष किशोर जोशी, नाटाका चन्द्र थापाले निक्कै गहन विषयबस्तु रहेको हुदा पनि यसलाई भजाउन सक्ने गरि लाग्नुपर्ने उनले बताए । विकास र पुर्वाधारमा सरकारको अगुवाई जरुरी रहने उनले बताए । निजि क्षेत्रको लगानीलाई अब थप मदत गर्न जरुरी रहेको उनले बताए ।