© २०२३
९ मंसिर २०८१, आईतवार
९ मंसिर २०८१, आईतवार
दाङ,३ बैसाख । लुम्बिनी प्रदेशमा आज संसदीय समितिले नेतृत्व पाउने भएको छ । करिब १७ महिनापछि संसदीय समितिको सभापति चयन प्रक्रिया अघि बढाईएको छ ।
आज दिउँसो एक बजे बोलाइएको प्रदेश सभा बैठकमा संसदीय समितिको सदस्य हेरफेर गरिने प्रदेश सभा सचिव दुर्लभ कुमार पुन मगरले बताए ।
एमालेलाई ३, माओवादीलाई २ वटा र नेपाली कांग्रेसलाई दुई वटा समितिको नेतृत्व दिने गरी दलहरूबिच समझदारी भैईसकेको छ ।
एमालेले अर्थ, उद्योग तथा पर्यटन समिति, भौतिक पूर्वाधार समिति र विशेष अधिकार समितिको नेतृत्व पाउने भएको छ । माओवादीले सामाजिक विकास समिति र प्रदेश मामिला तथा कानुन समितिको नेतृत्व पाउने सहमति भएको छ ।
यस्तै, नेपाली कांग्रेसले सार्वजनिक लेखा समिति र कृषि समितिको नेतृत्व पाउने भएको छ । लुम्बिनी प्रदेशमा रहेका ६ वटा विषयगत समिति र विशेष अधिकार समिति रहेका छन ।
पहिलो, दोस्रो र तेस्रो अधिवेशनमा टुंगो लगाउन नसकेपछि अहिले चौथो अधिवेशनमा यसलाई टुंगो लगाउने गरी दलहरूले भागबन्डा टुङ्गाएसँगै सभापति चयन प्रक्रिया अघि बढाइने भएको हो ।
© २०२३
सर्वाधिकार सुरक्षित
Design & Developed By:
