खोज

रोल्पा, ३ बैशाख । अख्तियार दुरूपयोग अनुसन्धान आयोगमा रोल्पाको सुनछहरी गाउँपालिकामा हालसम्म शून्य उजुरी परेको छ । चालु आर्थिक वर्षको चैत २७ गते सम्म सो पालिकामा उजुरी संख्या शून्य रहेको छ । जिल्लामा चालु आर्थिक वर्षको चैत २७ गतेसम्म जिल्लामा ५५ वटा उजुरी परेका छन । जसमध्ये सबैभन्दा धेरै सुनिलस्मृती गाउँपालिकामा १२ वटा उजुरी परेका छन् । यसैगरि गंगादेव गाउँपालिकामा १०, त्रिवेणी गाउँपालिकामा ८, रुन्टीगढी गाउँपालिका र थवाङ गाउँपालिकामा ६÷६ वटा उजुरी परेका छन । यसैगरि रोल्पा नगरपालिकामा ५, माडी गाउँपालिका र लुंग्री गाउँपालिकामा ४/४ वटा उजुरी परेका छन । यसैगरि चालु आर्थिक वर्षमा परिवर्तन गाउँपालिकामा पनि शुन्य उजुरी परेको छ ।
गत वर्ष जिल्लामा कुल २० वटा उजुरी परेका थिए । जसमा सुनछहरी गाउँपालिका र थवाङ गाउँपालिकामा शुन्य उजुरी परेका थिए । सो वर्ष गंगादेव गाउँपालिकामा सवभन्दा धेरै ६ वटा उजुरी परेको थियो । यसैगरि माडी गाउँपालिकामा ४ वटा, रोल्पा नगरपालिकामा ३ वटा उजुरी परेको थियो । सो वर्ष सुनिलस्मृती गाउँपालिका र परिवर्तन गाउँपालिकामा २/२ र त्रिवेणी, लुंग्री र रुन्टीगढी गाउँपालिका १/१ उजुरी परेको अख्तियार दुरूपयोग अनुसन्धान आयोग नेपालगंज कार्यालयले जानकारी दिएको छ ।

गत वर्ष र चालु आर्थिक वर्षको चैत्र २७ गतेसम्म कुल ७५ वटा उजुरी परेकोमा हाल सम्म ३२ वटा उजुरी फच्छ्यौट भएको र ४३ वटा उजुरी फच्छ्र्याैट हुन बाँकी रहेका छन । जस अनुसार गत वर्ष परेका कुल २० उजुरी मध्ये ५ वटा फच्छर्यौट भएको र चालु आर्थिक वर्षका कुल ५५ उजुरी मध्ये २७ उजुरी फच्छ्र्यौट भएको अख्तियार दुरूपयोग अनुसन्धान आयोग नेपालगंज कार्यालयले जानकारी दिएको छ ।

‘बेनामे उजुरी नलिए अख्तियारमा ताला ’
अख्तियार दुरूपयोग अनुसन्धान आयोगका आयुक्त जयवहादुर चन्दले अख्तियारमा वेनामे उजुरी नलिए अख्तियारमा ताला लाउने अवस्था आउन सक्ने वताएका छन । सदस्य चन्दले उक्त कुरा अख्तियार दुरूपयोग अनुसन्धान आयोगले आईतबार रोल्पा सदरमुकाम लिवाङमा आयोजना गरेको भ्रष्टाचार नियन्त्रण तथा सुशासन प्रवद्र्धन सम्वन्धि अन्तक्र्रिया कार्यक्रममा बताएका हुन ।

हाम्रो जस्तो देशमा वेनामे उजुरी लिन छोड्ने हो भने अख्तियारका सवै कार्यालय ताल्चा लाउनुपर्ने अवस्थामा पुग्ने उनको भनाई छ । वेनामे उजुरी दिने कुरा प्रजातान्त्रिक भएको उनको भनाई छ । अख्तियारको अनुसन्धान पद्दती वैज्ञानिक रहेको बताउँदै अनुसन्धान वाहेक अख्तियारका अन्य सवै काम पारदर्सि रहेको वताए । अनुसन्धानलाई पारदर्सि गराउन मिलेन अन्य सवै काम पारदर्सि छन चन्दले भने ।

अख्तियारसंग जो आतंकित हुन्छ उसले कुनै न कुनै अख्तियारको दुरूपयोग गरेको हुन सक्ने वताए । अन्यथा अख्तियारसंग किन डराउनु पर्ने सदस्य चन्दले प्रश्न गरे । जवाफदेहीता शुसासनको मुलमन्त्र भएको वताउदै जवाफदेहिता वढे भ्रष्टचार घट्छ सदस्य चन्दले भने ।
कार्यक्रममा जिल्ला समन्वय समिति रोल्पाका सीता आचार्यले भ्रष्टाचारका कारण व्यवस्था माथि नै प्रश्न उठेको वताउदै यसलाई सवै मिलेर न्यूनिकरण गर्नुपर्ने वताईन । कानून सम्मत तरिकाले काम गरे अख्तियार नलाग्ने बताउँदै, अख्तियार लागेका कारण कैयौं योजना अलपत्र वनेको उनको भनाई थियो । कागजमा मिलाउन जाने भ्रष्टाचार नहुने, मिलाउन नजाने भ्रष्टाचार हुने गरेको प्रमु आचार्यको भनाई थियो । अख्तियारमा उजुरी पर्ने वित्तिकै दोषी नहुने वताउदै, राम्रा काम भएका कैयन ठाउँमा पनि अख्तियारमा उजुरी परेको आचार्यको भनाई थियो ।

अन्तरकृया कार्यक्रममा रोल्पा नगरपाकिामा नगर प्रमुख सुरेन्द्र थापा घर्ती, प्रमुख जिल्ला अधिकारी खिमवहादुर रायमाझी, अख्तियार दुरूपयोग अनुसन्धान आयोगका सहसचिव रमेश कुमार केसीले पनि वोलेका थिए । कार्यक्रममा जिल्लाका सवै स्थानीय तहका प्रमुख, उपप्रमुख, प्रमुख प्रशासकीय अधिकृत, जिल्ला स्थीत सरकारी कार्यालयका प्रमुख, संचारकर्मी लगायतको उपस्थिति रहेको थियो ।