खोज

भैरहवा, २४ चैत । प्रधानमन्त्री पुस्पकमल दाहाल प्रचण्डले ध्यानको शिक्षालाई विश्व माझ फैलाउन र आध्यात्मिक जागरण मार्फत नेपालीलाई आत्म निर्भर बनाउदै शुसासन तर्फ लैजाने बताएका छन् ।

लुम्बिनीमा जीवन बिज्ञान प्रतिस्ठानको आयोजनामा भएको आध्यात्मिक जागरण उत्सवमा बोल्दै प्रधानमन्त्री प्रचण्डले नेपालमा मात्रै नभएर बिश्वमै डिप्रेशन, एन्जाइटि र आत्म हत्याको दर भयावहरुपमा बढेको बताउनुहुंदै जुन सुकै पेशा, बर्ग, उमेर समूह जात धर्म अछुतो नरहेको बताए ।

नेपालमा हाल ब्यक्तिगत तह, समाजको तह, संस्थागत र रास्ट्रको तहमा समेत आत्म निर्भरलाई प्रबर्द्धन गर्न बिशेश प्रयास गर्न आबश्यक भइसकेको छ प्रधानमन्त्री प्रचण्डले भने ूयुवा जनशक्तिको वैदेशिक पलायन रास्ट्र प्रेम र राज्य प्रतिको बिस्वांसमा देखिएको कमि उग्र निराशा र नकारात्मक भाव जस्ता समस्यालाइ सुधार गर्दै नेपालमै केही गर्न सकिन्छ, नेपालमै केही गर्न सकिन्छ भन्ने सकारात्मक सोंचको बिकास अनिबार्य भइ सकेको छ ।ू

ब्यबस्थित प्रयोग गर्न नजानेर स्वस्थ शरीर, शान्त मन, उर्जाशिल र सकारात्मक भाव आनन्द र चौतर्फी सम्वृद्धि हासिल गर्न पनि सम्भव नहुने प्रधानमन्त्री प्रचण्डले बताए । आफू भित्र बाट प्रशन्न शान्त, आत्म बिस्वासी र आनन्दी जनशक्तिको बिकास गर्नु आजको प्रमुख आबश्यकता भएको उनले बताए ।

कार्यक्रममा पूर्वप्रधानमन्त्री माधब कुमार नेपाल, उपप्रधानमन्त्री तथा परराष्ट्र मन्त्री नारायणकाजी श्रेष्ठ, लुम्बिनी प्रदेशका प्रमुख अमिक शेरचन, राप्रपाका केन्द्रिय अध्यक्ष एबं पुर्ब उपप्रधानमन्त्री राजेन्द्र लिंदेन, नेकपा एमालेका महासचिव तथा लुम्बिनी प्रदेशका पुर्ब मुख्य मन्त्री शंकर पोख्रेल, गण्डकी प्रदेशका मुख्य मन्त्री एबं नेपाली कांग्रेसका केन्द्रिय सदस्य सुरेन्द्र कार्की, पुर्ब मुख्य सचिब लीलामणि पौडेल लगायतले मन्तब्य व्यक्त गरेका थिए ।

ऐतिहासिक बिराट चक्र बिज्ञान, लुम्बिनी आध्यात्मिक जागरणमा ७६ जिल्लाका ६ हजार प्रतिनिधिहरुको सहभागीता रहेको थियो ।