खोज

बुटवल, २३ चैत । अग्रेज सेनालाई जितगढी किल्लामा पराजित गर्न नेपाली सेनाको नेतृत्व गरेका कर्णेल उजिरसिह थापाको स्मृतिमा हुन लागेको अन्तराष्ट्रिय बुद्धिचाल प्रतियोगिताको तयारी पुरा भएको छ । चैत २४ गते शनिबार प्रतियोगिताको उद्घाटन बुटवल १३ स्थित होटल क्राउनमा हुने छ ।

खेल पर्यटन प्रवद्र्धन हुने गरि बुटवल उपमहानगरपालिकाको सहयोग तथा बुद्धिचाल संघ, बुटवल उपमहानगरपालिकाको आयोजनामा कर्णेल उजिर सिंह थापा स्मृति मेयर कप अन्तर्राष्ट्रिय बुद्धिचाल प्रतियोगिताको प्राविधिक टिम, खेलाडीहरु दर्ता लगायतका सबै कामहरु पुरा भएको संघका नगर अध्यक्ष सुदिर पुनले बताए । ‘खेलाडीहरु अनलाईन दर्तासंगै बुटवल आगमन भईसकेका छन ।’—उनले भने । नेपाली सेनाका कर्णेल उजिरसिह थापाको योगदान र बुटवलको जितगढी किल्लाको प्रचारप्रसारमा यो प्रतियोगिताबाट मद्यत मिल्ने उनले दाबी गरे ।

प्रतियोगितामा नेपाल सहित भारत, बंगलादेश, पाकिस्तान, श्रीलंका, अमेरिकाका खेलाडीहरूले प्रतिस्प्रर्धा गर्ने उनले बताए । प्रतियोगिताको उपाधि विजेताले नगद २ लाख, द्वितीयले १ लाख १० हजार, तृतीय ६० हजार, चौथोले ४० हजार, पाचौंले ३० हजार, छैठौंले २० हजार रुपैयासहि तकप, मेडलबाट पुरस्कृत हुने छन । यस्तै गरी बेष्ट जुनियर ब्वाईज÷गल्र्स टिम ६ देखि १० स्थानसम्मले नगद २० हजार पाउने छन । यस्तै बेष्ट स्टुडेन्ट रूपन्देही ११ देखि १५ स्थानसम्मले १५ हजार, बेष्ट स्टुडेन्ट बुटवल १६ देखि २० सम्मले १३ हजार पुरस्कार पाउने छ ।

खेल संयोजक माधव प्रसाद प्रधानले बुटवलको गरिमा बढाउने गरि प्रतियोगिता हुन लागेको बताए । खेललाई पारदर्शी र प्रचारप्रसार हुने गरि प्रविधिमैत्री खेल खेलाईने दाबी गरे । ‘खेलमा आठ वटा डिजिटल बोर्डको प्रयोग हुने छ ।’— उनले भने । चैत २४ गतेदेखि २७ गतेसम्म हुने प्रतियोगितामा करीब ४७ लाख रुपैया खर्च हुने अनुमान आयोजकको छ ।