© २०२३
बुटवल, २८ फागुन ।
नेपाली एसीसी खेल्ने पहिलो टिमको सदस्य तथा उपकप्तान एलबि क्षेत्रीले आफ्नो टिमका महत्वपूर्ण खेलाडी बिकेटकिपर स्वर्गीय गणेश शाहीलाई स्मरण गरे । देशको गरिमालाई उच्च बनाउने गरी खेल खेलेको भन्दै जित भन्दा पनि नेपाली क्रिकेट चिनाउने लक्ष्यसहित मैदानमा उत्रेको बताए । ‘पहिलो अन्तर्राष्ट्रिय खेल हुँदा पनि खेलाडीहरुमा नर्भसनेस थियो’—उनले भने । बंगलादेशसंगको खेलमा धेरै क्याच मिस भएको उनले बताए । हिमालय देश क्रिकेट खेल्छ भन्ने पहिचान दिलाउन सफल भएको उनले बताए । विरगंजको धर्मशालामा मैदानमा अनुहारकै रंग कालो हुने गरी छनौट खेल खेलेको उनले स्मरण गरे । “खेलाडी सक्षम भए खेल विकास हुन्छ । सधै खेलाडीलाई अभिभावकले सपोर्ट गर्न जरुरी छ”–उनले भने ।
महिलाहरु क्रिकेटमा लगानी गरौ, यसले समग्र विकास गर्छः पुर्व क्रिकेटर ममता थापा
पुर्व क्रिकेटर ममता थापाले आफु खेल खेल्न विदेश यात्राको क्रममा संगैका यात्रुहरुको ब्यवहार अचम्म पाएको बताए । एकैपटक ठुलो महिला टिम मलेसिया रोजगारमा जान लागेको हो कि भन्ने भानका साथ हेराई र कुराकानी सुनेको बताईन् । महिला खेल्न जान लागेको कुरा सुनाउँदा दंग परेका तथा महिला पनि क्रकेट खेल्छन् भन्ने जस्ता प्रश्नहरु पाएको बताईन् । धेरै मेहनतपछि आफू अन्तर्राष्ट्रिय टिममा परेर उपकप्तान समेत रहँदा पनि १२ औ स्थानमा परेको नमिठो अनुभव बनाईन् । ‘म ३ दिनसम्म खाना नखाई रोएँ’— उनले भनिन्, ‘तर भाग्य नै भन्नुपर्छ म खेल्न पाएँ ।’
प्लेईङ ११ का मधु थापा घाइते भएपनि खेल्न पाएको भन्दै यो नै उनको टर्निङ प्वाइन्ट भएको बताईन् । खेलमा एउटा क्याच र स्टम्पिङ गरेर टिममा आफ्नो छुट्टै पहिचान बनाएकी उनी त्यसपछि भने खेलमा पछि फर्किन नपरेको बताइन् । जोश र जुनुनकै कारण टिम फाईनलमा पुग्न सफल भएको उनको दाबी छ । बाँके जिल्लाले प्रथम महिला क्रिकेट जन्माउने मात्र होईन सशक्तिकरणको अभियान नै चलाएको दाबी गरिन् । महिलाले खेल्नुपर्छ भन्ने सोचले धेरै परिवर्तन ल्याएको उनले बताइन् । घरमा बुबा भारतीय सेनाको जागिरे भएकाले खेल खेल्न सहज भएको उनले बताइन् । ‘केही समय पहिले नै महिला क्रिकेटमा लगानी भएको भए पुरुष टिमभन्दा पहिले महिला टिम विश्वकप खेल्ने थियो’— उनले भनिन् । खेलकुदमा अब लगानी जरुरी छ । महिला खेलाडीलाई लगानी गर्न छ । यसबाट खेलमात्र नभई समग्र विकास हुन्छ ।
मिनि बसमा चढेर अभ्यास खेल्दा र अहिलेको क्रिकेट फरक छः पुर्व क्रिकेटर पारस खड्का
नेपाली क्रिकेटका सफल क्याप्टेनका रुपमा लिईने पारस खड्का निक्कै लामो समय खेलमा रहे । सन २००४ मा खेल जिवनमा प्रवेश गरेका उनी आफू केवल नेपाललाई जिताउन खेलेको बताए । २००९ मा क्याप्टेनको भूमिकामा आएका उनी २०२४ सम्म नेपाली क्रिकेटमा सुनौलो समय बिताएको उनले बताए । डिभिजन फाईभ, थ्री र टु हुँदै नेट रनरेटको आधारमा विश्वकप क्वालिफाईरमा पुग्दाको निक्कै सुखद अनुभव रहेको उनले बताए । नेपाल र हङकङ बिचको खेल सकेर होटल फर्किदा नेपालको राष्ट्रिय गान स्टार स्पोर्ट्समा आउँदा धेरै नेपालीका आँखा रसाएको कुरा सुनेको र आफु भावुक भएको उनले बताए । मिनि बसमा चढेर सुन्धारादेखि अभ्यासमा जाँदाको आफ्नो पहिलो अनुभव र अहिलेको नेपाली क्रिकेटको उचाई धेरै फरक भएको उनी बताउँछन् । विश्वकप खेल्न सक्ने रुपमा नेपाली टिम तयार भएको उनले बताए । नया युवा खेलाडीलाई नेपालप्रतिको माया छ ।