खोज

बुटवल, २७ फागुन । बुटवलमा सम्पन्न दोस्रो खुला नकआउट क्यारेम बोर्ड प्रतियोगिता २०८० को उपाधि चितवनका भान्जा मगर र बुद्घ राईको जोडीले हात पारेका छन । राधाकृष्ण युवा क्लबको आयोजनामा आईतबार भएको फाईनल खेलमा बुटवलका सपथ अलि (काजु) र सुमन सापकोटालाई पराजित गर्दै चितवनका भान्जा मगर र बुद्घ राईले उपाधि हात पारेका हुन । उपाधिसंगै मगर र राईको जोडी नगद प्रथम पुरस्कार ८० हजार, प्रमाणपत्रबाट पुरस्कृत भए। उपविजेता टिम बुटवलको टिम ४० हजार रुपैया, प्रमाणपत्रमा चित्त बुझाए ।

एकैपटक सबै गोटी हान्ने (बोर्ड हान्ने) चितवनका भान्जा मगर नगद ४ हजार रुपैयाबाट पुरस्कृत भ ए। ब्यावसायिक खेलाडी चितवनका भान्जा मगर यसअघि पोखरा भएको प्रतियोगितामा दुई पटक, काठमाडौमा भएको प्रतियोगितामा ४ पटक विजेता रहेका छन ।

फागुन २५ गतेबाट शुरु भएको प्रतियोगितामा रुपन्देहीसहित पाल्पा, गुल्मी, नवलपरासी, कपिलवस्तु, गोर्खा र चितवन जिल्लाका ४० टिमहरु सहभागी रहेको संयोजक देव क्षेत्रीले बताए । गतवर्ष बुटवलका बुटवलका सपथ अलि (काजु) विजेता रहेका थिए ।

कार्यक्रममा क्लबका अध्यक्ष यम बरालले युवाहरुको आकर्षकलाई मध्येनजर गरि प्रतियोगिता गरिएको बताए। सरकार यो खेललाई बौद्धिक खेलभित्र राख्नुपर्ने उनले सुझाव दिए ।

कार्यक्रममा बुटवल उपमहानगरपालिका वडा नं ६ का वडा अध्यक्ष लोकनाथ न्यौपाने, वडासदस्य चिनकाजी श्रेष्ठ, सुन्दरनगर शान्ती टोलका अध्यक्ष पुर्ण बहादुर बिश्वकर्मा, क्लबका अध्यक्ष यम बराल, क्लबका पुर्व अध्यक्ष राजु क्षेत्री, सहसंयोजक अभिषेक खड्गीले विजेता, उपविजेता खेलाडीहरुलाई पुरस्कार वितरण गरेका थिए ।