खोज

पार्वती थारु

मणिग्राम, २४ फागुन ।

अन्तिम सेमिफाइनलमा फर्साटिकर युवा क्लव, फर्साटिकर बिजयी हँुदै फाइनलमा प्रवेश भएको छ । न्यू सिर्जना युवा क्लवको आयोजनामा जारी छैठौं न्यू सिर्जना कप नक आउट फुटबल प्रतियोगिताको बुधबारको अन्तिम सेमिफाइनल खेलमा फर्साटिकर युवा क्लव,फर्साटिकर बिजयी भएको हो ।

झरना स्पोर्टस् क्लव, कुञ्जलापुर र फर्साटिकर युवा क्लव, फर्साटिकर बिच निकै प्रतिस्पर्धात्मक खेल भएको थियो । स्वः खगी गुरुङसेनीको स्मृतिमा सञ्चालन भएको हिजोको खेलमा पूरा समयमा दुवै टिमबाट १–१ गोल भएकाले खेल टाइब्रेकरमा गएको थियो । जसमा फर्साटिकरले झरनालाई ५ को विरुद्ध ६ गोल गर्दै फर्साटिकर फाइनल प्रवेश गर्न सफल भएको छ ।

खेलको म्यान अफ द म्याच फर्साटिकर युवा क्लवका खेलाडी आशिष राना भएका थिए । उनलाई कार्यक्रमका अतिथि तथा चिल्हिया प्रहरी चौकीका प्रमुख सुदन पन्थीले खेलाडीलाई नगद राशी सहित ट्रफी प्रदान गरेका थिए । प्रतियोगिताको फाइनल खेल यही फागुन २६ गते दिउँसो २ वजेदेखि न्यू सिर्जना युवा क्लवको खेल मैदानमा सुरु हुने क्लवका प्रचार प्रसार संयोजक तथा सल्लाहकार धनवहादुर चौधरीले बताएका छन् ।

आज ४० वर्ष माथि उमेर समूहको भेन्ट्रान्स खेल तिलोत्तमा ११ र सिद्धार्थनगर ११ बिच खेल हुने छ । तिलोत्तमा १३ निवासी स्व.खगी गुरुङसेनीको स्मृतिमा छैठौं न्यू सिर्जना कप नक आउट फुटबल प्रतियोगितामा क्याप्टेन नरजंग गुरुङको मुख्य प्रायोजनमा रहेको छ । प्रतियोगिताका विजेता टिमले रु १ लाख १६ हजार नगद राशी सहित शिल्ड, मेडल र प्रमाणपत्र पाउनेछ भने उपविजेता हुने टोलीले नगद रु ६० हजार, नगद सहित शिल्ड मेडल र प्रमाणपत्र पाउने आयोजकले जनाएको छ ।

यस्तै विधागत उत्कृष्ट खेलाडीलाई रु.५ हजार नगद राशी सहित मेडल र प्रमाणपत्र, सर्वाधिक गोलकर्ता खेलाडीलाई रु.५ हजार नगद राशी सहित मेडल र प्रमाणपत्र, उत्कृष्ट गोलकिपरलाई रु.३ हजार नगद राशी सहित मेडल र प्रमाण पत्र र उदयमान खेलाडीलाई रु.३ हजार नगद सहित मेडल र प्रमाण पत्रले सम्मान गरिने छ ।