खोज

मणिग्राम, २३ फागुन ।

रुपन्देहीको तिलोत्तमा १३ मा जारी न्यु सिर्जना कप फुटवल प्रतियोगितामा सम्पूर्ण युवा क्लव सुपौली विजयी हँुदै फाइनलमा पुगेको छ । मंगलबार भएको फाइनल खेलमा तिलोत्तमा ११ तिलोत्तमालाई १ गोलका विरुद्ध ५ गोल गर्दै सम्पूर्ण युवा क्लव विजयी भएको थियो । खेलमा सम्पूर्ण युवा क्लवका खेलाडी विज्ञान गुरुङ म्यान अफ द म्याच घोषित भएका छन् । उनलाई पुर्व राष्ट्रिय खेलाडी जित बहादुर लामाले ट्रफी तथा नगद सहित सम्मान गरेका थिए ।

यसैगरी बुधबारको खेल झरना स्पोर्टस् क्लव कुन्जलापुर र फर्साटिकर युवा क्लव फर्साटिकर वीच प्रतिस्पर्धात्मक खेल हुने क्लवका प्रचारप्रसार संयोजक तथा सल्लाहकार धन वहादुर चौधरीले बताए । खेल खेलौ, स्वस्थ रहौं, खेललाई टेवा पु¥याउँ भन्ने नारासहित फुटवल खेल आयोजना गरिएको क्लवका खेल संयोजक शेर वहादुर गुरुङले बताए । तिलोत्तमा १३ को न्यू सिर्जना खेल मैदानमा जारी खेलको फाइनल खेल फागुन २६ गते हुने क्लवका अध्यक्ष सोवित थापा दर्लामीले बताइन् ।

तिलोत्तमा १३ निवासी स्व.खगी गुरुङसेनीको स्मृतिमा छैठौं न्यू सिर्जना कप नक आउट फुटबल प्रतियोगिता सञ्चालन भइरहेको हो । न्यू सिर्जना युवा क्लबका संरक्षक क्याप्टेन नरजंग गुरुङ तथा स—परिवारको मुख्य प्रायोजकमा नकआउट फुटवल प्रतियोगीता भइरहेको हो । स्थानीय खेलाडी उत्पादनका लागि हरेक वर्ष खेल आयोजना गरिएको क्लबका संरक्षक क्याप्टेन नरजंग गुरुङले बताए । खेलमा प्रथम हुने टिमलाई रु.१ लाख १६ हजार नगद राशी सहित मेडल र प्रमाणपत्र तथा दोस्रो हुने टिमलाई रु.६० हजार नगद राशी सहित मेडल र प्रमाणपत्रले सम्मान गरिने छ ।

यस्तै विधागत उत्कृष्ट खेलाडीलाई रु.५ हजार नगद राशी सहित मेडल र प्रमाणपत्र, सर्वाधिक गोलकर्ता खेलाडीलाई रु.५ हजार नगद राशी सहित मेडल र प्रमाणपत्र, उत्कृष्ट गोलकिपरलाई रु.३ हजार नगद राशी सहित मेडल र प्रमाण पत्र र उदयमान खेलाडीलाई रु.३ हजार नगद सहित मेडल र प्रमाण पत्रले सम्मान गरिने छ । यस्तै हरेक खेलको म्यान अफ द म्याचलाई पनि पुरष्कृत गरिने आयोजकले जनाएको छ ।