खोज

बुटवल, ६ फागुन । लुम्बिनी प्रदेशका सभामुख तुलाराम घर्ती मगरले शिक्षा क्षेत्रमा आमुल परिवर्तनको लागि राजनीतिक नेतृत्वको इच्छा शक्ति आवश्यक रहेको बताए । शनिबार वुटवलमा आयोजित नेपाल राष्ट्रिय अभिभावक संघ लुम्बिनी प्रदेश प्रथम अधिबेशनको उद्घाटन गर्दे राजनीतिक इच्छा विना कुनै पनि काम अघि वढ्न नसक्ने बताए । शैक्षिक सुधारको लागि नेताहरूमा इच्छा शक्ति चाहिएको बताउनुहुदै उहाँले त्यसको लागी निरन्तर खबरदारी दिन आवश्यक रहेको बताए । उनले “गुणस्तरीय शिक्षाको लागी नेतृत्वको सोच कहीलै देखिएन । माथीबाटै कुरा विग्रएको छ । राष्ट्रको लागि आवश्यक जनशक्ति उत्पादन गर्ने शिक्षा नीतिको लागी तपाईहरूले संघ प्रदेशमा दवाव दिनै पर्छ ।”
उनले प्रदेशले नेपालको परिवेश अनुसार प्रदेश शिक्षा ऐन ल्याउने प्रतिवद्धता जनाउदै संघीय सरकारले शिक्षा ऐन छिटो ल्याएमा प्रदेशलाई बाटो खुल्ने बताए । सभामुख घर्ती मगरले संघको लुम्विनी प्रदेशको नेतृत्वलाई अग्रिम बधाई दिदै शिक्षा क्षेत्रको विकासको लागी राज्यलाई नै घचघचाउने र खवरदारी गरिरहने नेतृत्वको नेपालको शिक्षा क्षेत्रले खोजीरहेको बताए ।

कार्यक्रममा संघका केन्द्रिय अध्यक्ष कोष बहादुर जी. सी.ले संस्कार युक्त शिक्षाको आवश्यकता रहेकाले शिक्षामा ब्यावहारीक सीपयुक्त नेपालको परिवेश शिक्षा नीति चाहिएको बर्ता । उनले शिक्षा ऐन निर्माणमा नेपाल रास्ट्रिय अभिभावक संघले सरकारलाई सुझाव दिएको र ८० लाख अभिभावकको भावनालाई कसैले कुल्चिएर जान नसक्ने बताए । कार्यक्रममा बरिस्ट उपाध्यक्ष सुन्दर बाबु श्रेष्ठ उपमहासचिव हरि भक्त महर्जन, केन्द्रिय सचिवालय सदस्य हरि प्रसाद कैरी, केन्द्रिय सदस्य पुर्ण चन्द्र तिवारी, केन्द्रिय सदस्य गोबिन्द गौतम, संघका गण्डकी प्रदेश अध्यक्ष कलाधर भट्ट, निबृत रास्ट्रसेवक समाज रूपन्देहीका कोषाध्यक्ष लक्ष्मण ज्ञवाली, लुम्बिनी प्रदेशका इन्चार्ज राम बहादुर रायमाझी लगायतले बोलेका थिए । अभिभावक संघका पदाधिकारीहरूले गलत शिक्षा नितिका कारण बिद्यार्थी बिदेश पलायन भएको बताए ।
उनले शिक्षा क्षेत्रमा देखिएको अन्योलताको अन्त्य गर्न संघीय सरकार र प्रदेशले शिक्षा सम्बन्धि ऐन छिटो ल्याउनु पर्ने भन्दै विद्यार्थी बिदेश जानुको कारण खोज्नु पर्ने बेला आएको अभिभावकहरूको भनाइ छ । उहांहरूले शिक्षामा पूर्वीय मुल्य मान्यतामाथी नै हस्तक्षेप भएको बताउदै नेपालको परिवेश अनुसार शिक्षा नीति बनाउनु पर्नमा जोड दिए ।

राष्ट्रिय अभिभावक संघ लुम्बिनीमा खनाल
यसैविच नेपाल राष्ट्रिय अभिभावक संघ लुम्विनी प्रदेशको प्रथम अधिवेशनले थानेश्वर खनाल (कपिलवस्तु)को अध्यक्षतामा नयां कार्य समिति चयन गरेको छ । जसको उपाध्यक्षमा देवराज मल्ल (दाङ्ग), उपाध्यक्षमा दिल कुमारी मल्ल (रुकुम पूर्व), सचिवमा हरि प्रसाद रेग्मी (रूपन्देही), सह–सचिवमा शिवकला वि.क.(अर्घाखांची), कोषाध्यक्षमा कमल भट्टराई (पाल्पा), सह–कोषाध्यक्षमा बाल कुमारी रास्कोटी (गुल्मी), रहेका छन् ।