खोज

माघ, २३ रोल्पा । रोल्पा नगरपालिका २ की ममता रिजाललाई सानो छँदा तेक्वान्डो सिक्न रहर लाग्थ्यो । अग्रजहरूले तेक्वान्डो खेलेको देखेर उनी पनि त्यस्तै बन्न चाहान्थिन । घरमा भने उनलाई तेक्वान्डो सिक्न सहज अनुमति थिएन । उनी अरू नै काममा जाने भनेर घरबाट लुकी लुकी तेक्वान्डो सिक्न जान्थिन । उनको घर नजिकै तेक्वान्डो संघ रोल्पाले तोक्वान्डो सिकाउने गथ्र्यो ।

२०७५ सालमा रोल्पा नगरपालिकाले आयोजना गरेको मेयर कप प्रतियोगितामा पहिलो पटक प्रतिस्पर्धा गरेको संझना छ उनलाई । पहिलो पटक प्रतिस्पर्धा गर्दा उनको उमेर १२ वर्षको थियो । उनले महिला ४५ केजी भन्दा कम तौल समूहमा उनी प्रतिस्पर्धी भईन । धेरै खेलाडीसँग प्रतिस्पर्धा गरेकी उनी सो प्रतियोगितामा प्रथम भईन । पहिलो पटक खेलेको खेलमा नै स्वर्ण पदक जित्दा पाएको खुसी अहिले अभिव्यक्त गर्न सक्तिन ममताले भनिन । सो प्रतियोगितामा ममताले स्वर्ण पदक मात्रै हात पारिनन मेयर कप प्रतियोगिताकै उत्कृष्ट खेलाडी समेत घोषित भईन । पहिलो पटक सहभागी भएको प्रतियोगितामा नसोचेकै उपलव्धी हासिल भएपछि भने ममतालाई पछाडि फर्कनु परेको छैन । त्यस पछि उनले जिल्लास्तर प्रदेश हुदै राष्ट्रिय र अन्तराष्ट्रिय स्तरमा समेत प्रतिस्पर्धा गरि दर्जनौ स्वर्ण पदक जितिसकेकी छिन ।

उनको पहिलो राष्ट्रिय स्तरको प्रतिस्पर्धा भने सन २०१९ जनवरी १ देखि ४ गते सम्म सम्पन्न प्रथम एभरेष्ट नेशनल ओपन तेक्वाण्डो च्याम्पियनसीप प्रतियोगता हो । उक्त प्रतियोगितामा उनले प्रथम स्थान हासिल गरि स्वर्ण जितेकी थिईन ।

यसै गरि अन्तर्राष्ट्रिय प्रतियोगितको पहिलो अनुभव भने २०२१ को नोभेम्वर २७ देखि २८ सम्म भारतमा संचालित ईन्डो नेपाल ईन्टरनेशनल तेक्वाण्डो च्याम्पिनसीप प्रतियोगिता हो । उक्त प्रतियोगितामा उनले ५५ देखि ५९ केजी तौल समूह तर्फ प्रतिस्पर्धा गरेकी थिईन । उक्त प्रतियोगितामा उनी प्रथम भई स्वर्ण पदक हात पारेकी थिईन ।

राष्टिय खेलकुद परिषदले २०७२ चैत्र २ गते संचालन गरेको आठौ राष्टिय खेलकुद प्रतियोगिता प्रतियोगितामा महिला ५३ किलो तौल समूहमा उनी प्रथम भईन । सोही प्रतियोगितामा उनी उत्कृष्ट खेलाडी समेत घोषित भएकी थिईन ।
सन् २०१९ को अगस्त २५ देखि २८ सम्म सम्म संचालन भएको नवौ कोरिया एम्वेस्टर नेशनल तेक्वाण्डो च्याम्पियनसीप प्रतियोगितामा अन्डर ५७ किलो समूह समूहमा भने उनले तेश्रो स्थान हासिल गरेकी थिईन । तयारी कम हुँदा उक्त प्रतियोगितामा तेश्रो भएको थिए ममताले भनिन ।
सन् २०२३ को सेप्टेम्वर १३ देखी १७ सम्म भएको एघारौ कोरियन एम्वेस्टर नेशनल तेक्वाण्डो च्याम्पियनसीप अण्डर ६३ समूहमा भने उनी प्रथम भई स्वर्ण पदक हात पारेकी थिईन ।

उनले २०८० मंसिर १४ देखि १७ गतेसम्म संचालन भएको दोस्रो राष्टिय तेक्वाण्डो च्याम्पियनसीप प्रतियोगितामा जुनियर महिला ६३ केजी भन्दा कमतौल समूहमा प्रथम स्थान हासिल गरि स्वर्ण जितेकी थिईन । सो प्रतियोगितामा उनी अल्फा तेक्याण्डोवाट सहभागी भएकी थिईन ।
२०८० चैत्र १८ देखि १९ गतेसम्म संचालन भएको १७ औं नेशलन तेक्वाण्डो च्याम्पियनसीप प्रतियोगितामा अन्डर ६३ समूहमा प्रथम भई स्वर्ण जितेकी थिईन । सन् २०२३ डिसेम्वर २३ र २४ मा सम्पन्न प्रथम एभरेष्ट नेशनल ओपन तेक्वाण्डो च्याम्पियनसीप प्रतियोगितामा समेत ६२ केजी भन्दा कम चौत समूहमा प्रथम भएर स्वर्ण जितेकी थिईन ।

२०१९ जुन २१ देखि २२ सम्म नेपाल तेक्वाण्डो संघ ३ नम्वर प्रदेशले आयोजना गरेको नेशनल तेक्वाण्डो च्याम्पियनसीप प्रतियोगितामा ५३ केजी भन्दा क मतौल समूहमा प्रथम भई स्वर्ण जितेकी थिईन । उनले नेपाल खेलकुद महासंघ समाजवादीले २०८० असोज २० र २१ गते आयोजना गरेको नेकोस खेलकुद महोत्सवमा महिला ६२ केजी मुनी तौल समूहमा प्रथम स्थान हासिल गरि स्वर्ण पदक प्राप्त गरेकी थिईन ।

हाल दाङको पद्योदय पव्लीक माविवाट प्लस टु सकेकी ममता स्नातक तहको पढाइको तयारीमा छिन । पढाई र खेललाई संगासंगै अघि वढाईरहेकी ममता खेल क्षेत्रवाट अघि वढ्न चाहान्छिन । खेल मेरो रुचीको क्षेत्र भएकाले यसैवाट क्यारिएर अघि बढाउन चाहान्छु ममताले भनिन । खेल क्षेत्रमै काम गर्ने गरि नेपाली सेना, नेपाल प्रहरी वा सशस्त्र प्रहरी बलमा काम गर्न चाहान्छु उनले भनिन । सरकारी सेवा प्रवेशका लागी तयारी गरिरहेको छु ममताले भनिन ।

उनी आफू मात्र हैन भाई मनोज रिजाललाई समेत खेल क्षेत्रमा लगाएकी छिन । मनोजले पनि विभिन्न प्रतियोगितामा सहभागिता जनाएर विभिन्न पदक हात पारेको ममताको भनाई छ । खेल क्षेत्रमा प्रवेश गरेको सुरुको चरणमा परिवारवाट खासै अनुमती थिएन, पछि खेल क्षेत्रमा सफलता हासिल गर्दै जाँदा अहिले भने एथेष्ट सहयोग पाएको छु ममताले भनिन ।

खेल खेलेर देशको नाम उच्च राख्ने खेलाडीलाई राज्यले सम्मान गर्न नसकेको उनको वुझाई छ, जीवनभर देशका लागी खेल खेल्यो राज्य भने खेलाडीको भनिष्यका वारेमा खासै लगिपरेको पाउदैन ममताले भनिन । विद्यालयको पढाई जतिकै खेल क्षेत्रलाई पनि सरकारले महत्व दिनु पर्छ, हरेक विद्यालयमा खेल प्रशिक्षक नियुक्त गरेर विद्यालय स्तरवाटै खेल क्षेत्रको प्रवद्र्धन गर्नु पर्छ ममताले भनिन ।