खोज

बुटवल, ६ पुस । नेपाल मगर संघका केन्द्रिय सह अध्यक्ष दल बहादुर विरकट्टाले मगर समुदायवाट निर्वाचित सांसदहरुले मगर भाषा संस्कृतिको रक्षामा गम्भिर नभएको टिप्पणी गरेका छन् ।
शनिवार लुम्बिनी प्रदेशको राजधानी राप्ती उपत्यका देउखुरी दांगमा हुने नेपाल मगर संघको बृहत मगर जनसभाको वारेमा जानकारी गराउन शुक्रवार बुटवलमा आयोजना गरिएको पत्रकार सम्मेलनमा सह अध्यक्ष विरकट्टाले मगर सांसदहरु मगरहरुको पक्षमा नभएको टिप्पणी गरे ।
संबिधानमा व्यवस्था भएको कुरालाई कानुन बनाएर कार्यान्वयन गर्न नसक्दा मगर समुदायको हकअधिकार सुरक्षित हुन नसकेको धारणा राखे ।
उनले पूर्ण समानुपातिक प्रतिनिधित्व, सामथ्र्य र पहिचान सहितको संघियता मगरात प्राप्तीको लागि आन्दालित हुन थप उर्जाशिल हुने संकल्प गदै लुम्बिनी प्रदेशमा मगर र थारु भाषालाई सरकारी कामकाजी भाषाको रुपमा अविलम्ब कार्यान्वयन गराउन दवाव मुलक जनसभा भएको समेत बताए । कार्यक्रममा पत्रकारहरुले राखेको जिज्ञासामा जवाफ दिदै सह अध्यक्ष विरकट्टाले संघियताको मुल मर्म अनुसार काम नहुदा यसको विरुद्धमा आवाज उठन थालेको बताए ।
संम्बिधानका प्राप्त उपलब्धिहरुको रक्षा गदै आत्मसम्मान सहितको जातीय पहिचानका लागि एक जुट हौं भन्ने मूल नाराका साथ हुने जनसभामा ५० हजार मगर हरुको उपस्थिती हुने आदीवासी जनजाती पत्रकार महासंघका रुपन्देही अध्यक्ष सोनु थापाले दावी गरे । कार्यक्रममा नेपाल मगर संघ रुपन्देहीका अध्यक्ष आन बहादुर सोती, सचिव थर्क बहादुर बाह्रघरेले कार्यक्रमको वारेमा प्रकाश पारेका थिए ।