खोज

बुटवल, २२ मंसिर । देशकै सबैभन्दा धेरै बजेट खर्च गर्ने निमार्ण ब्यवसायीहरु अहिले आर्थिक संकटमा परेको गुनासो गरेका छन । सरकारसंग ठेक्का सम्पन्न भएपछि भुक्तानीको माग राखेर दबाब दिदै आएको निमार्ण ब्यवसायीहरु धरासायी हुने अवस्था आएको बताए । लुम्बिनी निर्माण ब्यवसायी संघ बुटवल शाखाको १५ औ वार्षिक भेला तथा १६ औ निर्माण दिवसमा शुक्रबार बुटवलमा गरिएको कार्यक्रममा बोल्ने ब्यवसायीहरुले सरकारले उधारो सहमती गरेर ठगेको दुखेसो गरेका हुन ।

कार्यक्रमको उद्घाटन गर्दै नेपाल निर्माण ब्यवसायी महासंघका केन्द्रीय उपाध्यक्ष टोप बहादुर रायमाझीले ठेक्काको कानुनी प्रक्रियामा झन्डटिलो, काम सम्पन्न हुदा पनि सरकारबाट भुक्तानी नहुने जस्ता कारण आफुहरु समस्यामा परेको बताए । सरकारसंग पुजिगत खर्च नभएको कारण देखाएर सम्पन्न भएका कामको भुक्तानी रोक्न नमिल्ने उनले तर्क राखे ।

कार्यक्रममा संघका कार्यबाहक अध्यक्ष बुद्धिराज थापाले चरणबद्ध रुपमा १६ दिन काठमाडौंमा आन्दोलन गरेर उपलब्धी हासिल हुन नसकेको बताए । ‘सरकारले उधारो सहमति गरेर ठग्यो ।’— उनले भने । असोजसम्ममा किस्ताबन्दी रुपमा भुक्तानीको आश्वान पाएको भएपनि त्यो पूरा नभएको उनले गुनासो गरे । अहिले ब्यवसायमा देखिएको अस्वस्थ प्रतिस्प्रर्धालाई रोक्ने गरि आफु अध्यक्षको उम्मेदबारी दिने समेत बताए ।
रुपन्देही जिल्लाको भैरहवामा मंसिर २९ र ३० गते हुने अधिवेसनको तयारीसंग ब्यवसायीमा चुनावी सरगर्मी बढेको छ ।
कार्यक्रममा पुर्व केन्द्रीय उपाध्यक्ष रुद्र शर्मा, प्रदेश मानार्थ सदस्य भिम बहादुर श्रेष्ठले निमार्ण ब्यवसायीहरु प्रतिको आम नागरिकको दृष्टिकोण परिवर्तन हुने गरि नया नेतृत्व आउनुपर्ने सुझाव दिए ।

संघका सल्लाहकार जबिन कक्षपतिले देशको कुल बजेटको ७० प्रतिशत खर्च गर्ने ब्यवसायीहरुप्रति सरकार गम्भिर नभएको बताए । आफुहरुलाई ओझेलमा राखेर देशको आर्थिक विकासको सपना बाड्नु गलत भएको उनले दाबी गरे ।
संघका संस्थापक अध्यक्ष भिम बहादुर श्रेष्ठलाई सम्मान तथा मैनाबगर आधारभुत निमाबिलाई शैक्षिक सामग्री वितरण गरिएको संस्थाका सहसचिव नवीन पुनले बताए । रुपन्देही जिल्लामा ४५० ब्यवसायीहरु आवद्ध रहेका छन । नेपालमा १६ हजार ब्यवसायीहरु छन ।