© २०२३
७ मंसिर २०८१, शुक्रबार
७ मंसिर २०८१, शुक्रबार
रोल्पा, २ मंसिर ।
रोल्पामा ट्याक्टरको हुटले च्यापिएर एक जनाको ज्यान गएको छ । यसरी मृत्यु हुनेमा रोल्पा माडी गाउँपालिका २ व्याङखोलाका १९ वर्षीय विशाल घर्तीमगर रहेको प्रहरीले जनाएको छ । घटनास्थल ईलाका प्रहरी कार्यालय रोल्पावाट २ किलोमिटर उत्तरमा रहेको छ ।
प्रहरीका अनुसार शुक्रवार वेलुका ८ः३० वजे शहीद मार्गमा रा १ त ३८८० नम्वरको ट्याक्टर वाटोमै पल्टिएको भनी ईलाका प्रहरी कार्यालय घर्तीगाउँलाई फोन मार्फत जानकारी आएको थियो ।
घटनाको जानकारी पाउँदा साथ ईलाका प्रहरी कार्यालय घर्तीगाउँका प्रहरी निरिक्षक कृष्ण सोनी नेतृत्वमा ५ जनाको प्रहरी टोली घटना स्थल तर्फ लागेको थियो । प्रहरी घटना स्थलमा पुग्दा ट्याक्टरको हुटले च्यापिएको अवस्थामा शव रहेकोमा जेसिवी वोलाई ट्याक्टर हटाएर शव निकालिएको प्रहरीको भनाई छ ।
उक्त शव पोष्ट मार्टमका लागि रोल्पा रेउघामा पठाइएको जिल्ला प्रहरी कार्यालय रोल्पाका सूचना अधिकारी देविराम भण्डारीले जानकारी दिए । घटनाको थप अनुसन्धान भईरहेको प्रहरीको भनाई छ ।
© २०२३
सर्वाधिकार सुरक्षित
Design & Developed By:
