खोज

नवलपुर, २५ कात्तिक ।

जन्मेदखि नै कुवाको पानी खान बाध्य बुलिङटार–२ डाँडाझेरी धौवादीका देउवीर डिसुुवा मगर झण्डै ५० वर्षपछि पहिलो पटक अहिले घरमै खानेपानी धारा पुुगेपछि दंग छन् । खानेपानी खान पाएकोमा मगर दंग परेका मात्रै छैनन् त्यस गाउँका बासिन्दा घरमै खानेपानी धारा पुुगेपछि पानी खान पाएकोमा खुशी छन् ।

पूर्वी नवलपरासीको बुलिङटार २ डाँडाझेरी धौवादीका सात टोलमा तत्कालीन सरकारको पाँच करोड ३६ लाखको लागतमा खानेपानी आयोजना सम्पन्न भएको वडाध्यक्ष कमल बकावल मगरले बताए ।

हालै निर्माण सम्पन्न भएको डाँडाझेरी खानेपानी आयोजनाबाट त्यस वडाका सात वटा टोलका छ सय २३ घर धुरीका झण्डै चार हजार बासिन्दा प्रत्यक्ष खानेपानीबाट लाभन्वित भएका बुलिङटार गाउँपालिका २ का वडाध्यक्ष बकावल मगरले बताए ।

जीवनभरि सधैं कुवाको खानेपानी खाएर बाँच्न विवश त्यहाँका स्थानीयले ५० बर्षपछि गाउँमा त्यो पनि घर घरमा धारा बनाएर खानेपानी पाउन थालेपछि डाँडाझेरी धौवादी गाउँका बासिन्दामा खुशी छाएको उपभोक्ता समितिका अध्यक्ष नरविर मश्रागी मगरले बताए ।

वर्षौदेखि कुवाको खानेपानी खान बाध्य त्यहाँका सय भन्दा बढीमा लठ्यौरोपना, गलगाँड जस्ता विभिन्न रोगहरुबाट ग्रसित हुने समस्या रहेको उनीहरुको उमेरमै मृत्यु हुने समस्या रहेको र यस्ता धेरै समस्याका कारण पनि त्यहाँका बासिन्दाको बर्षैादेखिको धाराबाट पिउने पानीको सपना पूरा भएको स्थानीय समाजसेवी लालबहादुुर गँरजा मगरले बताए ।

पूर्वी नवलपरासीको पहाडी क्षेत्रमा निर्माण भएको सो खानेपानी आयोजना निर्माण सम्पन्न भएपछि यहाँका बासिन्दाले खेर गैरहेको पानीबाट तरकारी, खाद्यान्न, कागती उत्पादन गरी बिक्री समेत गर्ने गरेका गाउँपालिकाका अध्यक्ष दिपेन्द्र सुुनारी मगरले बताए ।

जिल्लाको पहाडी दुुई गाउँपालिकामा अझै चार हजार बासिन्दा प्रत्यक्ष खानेपानी सुुविधाबाट बन्चित छन् । “जिल्लाको काफलडाँडा, मथार, पिपलछाप, रुचाङको पाँचवटा टोल, लगायतका ठाउँहरुमा खानेपानी ब्यवस्थित बन्न सकेको छैन”–स्थानीय शिव पुरीले भने । आयोजना संघीय सरकारको पूर्ण सहयोगमा सम्पन्न भएको वडाध्यक्ष बकावल मगरले जानकारी दिए ।