खोज

बुटवल, २० कार्तिक । बजारमा दुधको माग ५० प्रतिशतले घटेको भन्दै यो विकराल अवस्थामा दुध ब्यवसायीहरुले हितमा सरकारबाट विशेष योजना ल्याउनुपर्ने सुझाव दिए । नेपाल डेरी एसोसियसन लुम्बिनी प्रदेशको आयोजनामा प्रदेशका दुग्ध सरोकारहरुसंग छलफल कार्यक्रममा हाल दुधको बजारमा ५० प्रतिशत कटौती भै दैनिक करिब साठी हजार लि दुध बढि भै कन्भर्सन गरि स्टक गर्नुपर्ने बाध्यता देखिएको भन्दै यो मुल्य सरकारबाट अनुदान उपलब्ध गराउनुपर्ने सुझाव दिए ।

कार्यक्रम लुम्बिनी प्रदेश नेपाल डेरि एसोसिएसनका अध्यक्ष थानेश्वर न्यौपानेले अहिलेको परिणाममा स्टक गर्दा किसानलाइ दुधको भुक्तानी समयमा गर्ने नसकिने अवस्था रहेको भन्दै समयमा भुक्तानी नगर्दा किसान पशुपालनबाट पलायन हुने र भुक्तानी गर्न उद्योगसंग रकम नहुने बिकराल अवस्था सृजना भएको बताए । सरकारबाट नै कन्भर्सनको लागत रकम उपलब्ध हुने गरि अनुदानको ब्यवस्था हुनुपर्ने तथा उत्पादित दुध पदार्थको ब्यवस्थापन सरकारले गर्नुपर्ने उनले आग्रह गरे ।

केन्द्रिय दुध उत्पादन सहकारी संघका केन्द्रिय सदस्य हरि काफ्लेले सबै सरोकारवाला बजारको यो अवस्थालाई न्युनिकरण गर्न एकजुट भएर खरिद र बिक्रि मुल्यमा समायोजनको बिरोध गर्नुपर्ने भन्दै सरकारबाट नै अनुदानको ब्यवस्था हुनुपर्ने बताए । किसानलाई सुरक्षित गर्दै उद्योगहरु चल्नुपर्ने उनको सुझाव दिए । किसान र किसानका राष्ट्रिय उद्योगहरुलाई जोगाउने गरि साझा धारणा अगाडी बढाउनुपर्ने उनले बताए ।

नेपाल डेरी एसोसियसनका पुर्ब केन्द्रिय अध्यक्ष मेघराज भण्डारी, लुम्बिनी दुध बितरण आयोजनाका आयोजना प्रमुख योगेन्द्र शाह, डेरी संघका लुम्बिनी संयोजक बिक्रम रिजालले मिल्क होलिडे नगरी दुधको ब्यवस्थापनमा सरकारलाई सचेत गराउनुपर्ने धारणा राखे ।