खोज

बुटवल, ११ भदौ । श्री नं २२ बाहिनी अड्डा बाहिनीपति ट्रफि २०८० को उपाधि शमसेर दल गणले चुमेको छ । प्रतियोगिता अन्तरगत भएको सात वटा ईभेन्टमा १९ स्वर्ण, १९ रजत र १७ कास्य पदक जित्दै कुल १ सय ६७ अंकका साथ शमसेर दल गणले उपाधि चुमेको हो ।

सोमबार बिहान भलिबलको फाईनल खेल गरुड दल गणलाई ३–० को सोझो सेटमा पराजित गर्दै शमसेर दल गण विजयी हुदै समग्र प्रतियोगितामा गण उपाधि हात पारेको हो । प्रतियोगिताको मध्यपश्चिम पृतना हेडक्वाटरका पृतनापति उपरथी याम प्रसाद ढकाल, श्री नं २२ बाहिनीका बाहिनीपति सहायक रथी ललित बहादुर कुवरले खेल शुभारम्भ गरे । पहिलो सेट शमसेर गणले २५–१९ ले जित निकाल्दै अग्रता दिलायो । दोस्रो सेट पनि शमसेर गणले २६–२४ ले जित्दै खेलमा अग्रता कायम राख्यो । तेस्रो सेट पनि गरुड दलले २५–२१ ले जित्दै खेलको उपाधि हात पार्यो ।

यसैगरि प्रतियोगितामा गरुड दलले १७ स्वर्ण, २० रजत र ११ कास्य पदकसहित कुल १ सय ५३ अंकका साथ दोस्रो भयो । प्रतियोगितामा गोरखगण दल भने १२ स्वर्ण, २३ रजत र १४ कास्य पदकसहित कुल १ सय ४१.५ अंकका साथ तेस्रो भयो ।

एक कार्यक्रमका बिच श्री नं २२ बाहिनीका बाहिनीपति सहायक रथी ललित बहादुर कुवर, श्री २२ नं बाहिनी अडाका सहायक वाहिनीपति महासेनानी खेमराज शर्मा, प्रदेश खेलकुद परिषद लुम्बिनीका सदस्य सचिव जयप्रकाश भट्टराईले विजेता, उपविजेता, उत्कृष्ट खेलाडीहरुलाई पुरस्कार बितरण गरेका छन । कार्यक्रममा बाहिनीका सहायक रथी ललित बहादुर कुवरले नेपालको खेलकुद ईतिहासमा सेनाको योगदानको चर्चा गरे । आर्मीभित्रका नया भर्ना भएका जवानमा खेलप्रति रुची देखिए गुल्म, गण, बाहिनी, पृतना हुँदै राष्ट्रिय र अन्तर्राष्ट्रिय स्तरका प्रतियोगितामा प्रदर्शन गर्ने वातावरण पाउने उनले बताए । नेपाल र नेपाली खेलाडीलाई चिनाउने, बचाउने र अगाडि बढाउने रुपमा नेपाली सेना सधै अग्रसर रहेको उनले बताए । शान्ति सेनामा नेपाली सेनाको महत्वपुर्ण योगदान दिदै आएको दाबी गर्दैै उनले खेलबाट आत्मियता बढाउदै अनुशासित बन्न सकिने बताए ।

एथलेटिक्समा १७ पुरुष र १४ वटा महिलाका ईभेन्टहरुसहित फुटबल, बास्केटबल, बक्सिङ, पौडी, तेक्वान्दो गरि ७ विधामा खेलहरुमा ४ गण, २ गुल्मका ५ सय ५० जना खेलाडीहरुले भाग लिएको बाहिनी खेल समन्वय अधिकृत सेनानी नरेश अर्यालले बताए । अघिल्लो वर्ष महेन्द्र दल विजेता रहेको थियो ।

भिडियो सामग्री