खोज

बुटवल, ५ भदौ । लायन्स क्लब अफ बुटवल स्टार्सले पाल्पाको एक विद्यालयलाई स्टेशनरी सामग्री सहयोग गरेको छ । लायन्स ईन्टरनेश्नलको ‘स्वार्थभन्दा माथि सेवा’ भन्ने मुल नारासहित स्थापना भएको युवाहरुको क्लबले पाल्पाको माथागढी गाउँपालिका वडा नम्बर ४ मा रहेको रत्न माध्यमिक विद्यालयमा शैक्षिक, विद्यालय झोला र जिन्सी गरि ४५ हजार रूपैयाँ बराबरको सामग्री सहयोग गरेको हो ।

सोमबार एक कार्यक्रमको आयोजना गरी लायन्स क्लव अफ बुटवल स्टार्सका अध्यक्ष रिन्कु लिगलले विद्यालयका व्यवस्थापन समिति अध्यक्ष पदम बहादुर जिसी र प्रधानाध्यापक निर बहादुर सारुलाई सामग्री हस्तान्तरण गरे ।

कार्यक्रममा लायन्स इन्टरनेशनल ३२५ पी का सिनियर डिष्ट्रिक एड्भाईजर आशिषकृष्ण श्रेष्ठले विगतबाट नै विगत क्षेत्रका विद्यालयहरुलाई सहयोग अभियान चलाउदै आएको बताए । सानो सहयोगबाट विद्यार्थीहरुलाई पढाईमा हौसला मिल्ने उनले दाबी गरे ।

कार्यक्रममा वडा सदस्य तथा विद्यालय व्यवस्थापन सदस्य हुम बहादुर सारु, विद्यालयका सहायक प्रधानाध्यापक निता जिसी, ज्ञान प्रसाद श्रेष्ठ, हरि पोखरेल लगायतले सामाजिक संघसंस्थाहरुबाट गरिएको सहयोगबाट विद्यालय ब्यवस्थापनमा सहयोग मिलेको बताए । कार्यक्रम संयोजक तथा क्लवका द्धितिय उपाध्यक्ष राजन जिसीको जन्मदिनको अवसरमा उक्त सहयोग सामाग्री सौजन्यमा सहयोग भएको थियो ।