© २०२३
नवलपुुर, ७ असार ।
पुर्व–पश्चिम राजमार्ग अन्तर्गत बुुटवल–नारायणगढ सडक खण्डको कामले तीब्रता पाएकोे छ । कावासोती–भेंडाबारी खण्डमा कालोपत्रेको कामलाई तीब्रता दिएसँगै यो सडक ढिला भए पनि अब पक्का बन्नेमा आशा जगाएको छ ।
राष्ट्रिय गौरबको आयोजनाको रुपमा रहेको यो सडकको काम अहिले पनि तीब्र गतिमा भैरहेको छ भने विभिन्न ठाउँहरुमा फिलिङ सकिएको र अब ती ठाउँमा समेत कालोपत्रे गरिने छ । आगामी असार मसान्त सम्म ४० प्रतिशत काम सकिने लक्ष्यका साथ काम अघि बढेको ईन्जिनियर राकेश झाले बताए । सुुरुमा छ महिनाअघि परीक्षणका रुपमा एक दशमलव एक किलोमिटर कालोपत्रे गरिएको सो सडकको अहिले दश किलोमिटर बढी कालोपत्रे भैसकेको र यसलाई झनै तीब्रता दिईएको बुुटवल–नारायणगढ सडक खण्डको ठेक्का लिएको चाईना कन्स्ट्रक्सनका ईन्जिनियर झाले बताएका छन् ।
५२ महिनाअघि सम्झौता भै अघि बढेको यो आयोजनाको अहिले ३० प्रतिशत भन्दा बढी काम भैसकेको छ भने रुख कटानको काम सकिएको छ । त्यसतै बिजुुलीको पोल गाड्ने काम अन्तिम चरणमा पुुगेको, राजमार्गमा रहेको ठुुला पुुल ,साना कल्भर्ट निर्माणको काम समेत अन्तिम चरणमा पुुगेकाले अब माटो फिलिङ गर्ने र कालोपत्रेको काम मात्रै बाँकी रहने र त्यो पनि अहिले काम सकिएका ठाउँ ठाउँमा कालोपत्रे गर्ने काम सुुरु भइसकेको आयोजनाले जनाएको छ । ४२ महिनामा सम्पन्न हुुन नसकेर पुुनः एक वर्ष म्याद थपिएपछि त्यो पनि आगामी साउन २२ गते सकिने भएकाले पुुनः एक बर्षको म्याद थपको लागि ठेकेदार पक्षले आग्रह गरेको र सो एक बर्ष म्याद थपिएमा नारायणगढ सडक खण्डको निर्माण कार्य सकिने आयोजनाले जनाएको छ ।
अहिले ३० प्रतिशत बढी काम सकिएको र १० महिनाअघि सरकारले ३८६ दिनको लागि पुुनः म्याद थपेपछि सडक निर्माणले तीब्रता पाएको आयोजनाले जनाएको छ । सो सडक खण्डमा अहिले दिनरात निर्माण कार्य भैरहेको छ । आयोजना सम्पन्न हुुने कुरामा स्थानीयबासीमा रहेको आशंका समेत हटेको गैंडाकोट नगरपालिकाका प्रमुुख मदनभक्त अधिकारीले बताएका छन् ।
आयोजनाको गैंडाकोट–दाउन्ने पहिलो खण्ड र दाउन्ने–बुटवल दोश्रो खण्डको रुपमा स्वीकृत भै झण्डै १६ अर्ब ९९ करोडमा चिनियाँ कम्पनी चाईना स्टेट कन्स्ट्रक्सनले ५२ महिना अघि ठेक्का पाएको थियो । ठेक्का सुरु भएको एक हजार दुई सय ७८ दिन अर्थात ७ जुलाई २०२२ मा ११३ किलोमिटर बुटवल–नारायणगढ सडक निर्माण सक्ने सम्झौतामा ब्यवस्था भए पनि सुुरुको ४२ महिनामा १८ प्रतिशत काम भएकोमा अहिले पुुनः म्याद थपिएको दश महिनामा ३० प्रतिशत भन्दा बढी काम भएको आयोजनाले जनाएको छ ।
सडकमा रहेका दुईतर्फी गरेर चार हजार ८३९ विद्युतको पोल सार्ने काम सकिन लागेको, एक हजार २५ वटा टेलिफोनको पोल, दुई सय दुई सोलार पोल समेत सार्ने कार्य अन्तिम चरणमा पुुगेको आयोजनाले जनाएको छ । यो आयोजनामा ४३ वटा ठुला पुल, ३९ वटा साना पुल चार सय ६२ वटा कल्भर्ट पुल निर्माण अन्तिम चरणमा पुुगेको छ भने सडक बजार क्षेत्रमा छ लेन, जंगल क्षेत्रमा चार लेन र दाउन्ने क्षेत्रमा तीन लेनको सडक निर्माण भैरहेको चिनियाँ कम्पनी चाईना स्टेट कन्स्ट्रक्सनका ईन्जिनियर राकेश झाले बताए । अहिले यो सडक खण्डमा ७० जना चिनियाँ र दुई सय ७५ जना नेपाली प्राविधिकहरुले काम गरिरहेको आयोजनाले जनाएको छ । सडक डिभिजनल कार्यालय बुटवलले सडक निर्माण सम्पन्न गर्ने गरी काम अगाडि बढेको जनाएको छ ।