© २०२३
६ आश्विन २०८१, आईतवार
६ आश्विन २०८१, आईतवार
काठमाडौँ ।
काठमाडौं महानगरपालिकाका मेयर बालेन्द्र शाहले आफ्नो कार्यकक्षमा ‘ग्रेटर नेपाल’को नक्सा राखेका छन्। तत्कालीन ब्रिटिश शासकसँग सुगौली सन्धि गर्नुअघि नेपालले चर्चेको भूगोलसहितको नक्सासहितको तस्बिर शाहले आफ्नो कार्यकक्षमा राखेका हुन्।
साहको सचिवालयका अनुसार केही दिनअघि उक्त नक्सा राखिएको हो।
भारतले नयाँ संसद् भवनमा नेपालका लुम्बिनी र कपिलवस्तुसहितका भूगोल समेटेर अखण्ड भारतको तस्बिर राखेपछि नेपालमा त्यसको विरोध भइरहेको छ।
भारतको संसद्मा नेपालको भूगोलसहितको नक्सा राखिएकोबारेमा संघीय सरकारले बोल्न नसकिरहेका बेला मेयर साहले ग्रेटर नेपालको नक्सा राखेका हुन्।
भारतीय संसद्मा राखिएको नक्सबारे प्रधानमन्त्री पुष्पकमल दाहाल प्रचण्डले भारतका अधिकारीहरुसँग कुरा गरेको बताएका थिए।
तर परराष्ट्रमन्त्री एनपी साउदले भारतीय टेलिभिजन आजतकसँगको कुराकानीका क्रममा आफूलाई त्यसबारे कुनै जानकारी नै नभएको जवाफ दिएका थिए।
उता छिमेकी बंगलादेशले आफ्नो भूगोलसहितको नक्सा राखिएको विषयमा भारत सरकारसँग स्पष्टीकरण सोधिसकेको छ।
© २०२३
सर्वाधिकार सुरक्षित
Design & Developed By:
