© २०२३
काठमाडौँ ।
आज (शुक्रबार) नेकपा एमालेको सचिवालय बैठक बस्दै छ। एमाले स्थायी कमिटी सदस्य शेरबहादुर तामाङका अनुसार बैठक ललितपुरको च्यासलस्थित पार्टीको केन्द्रीय कार्यालयमा अहिले बिहान साढे ११ बजे सुरु हुनेछ।
‘खासगरी बैठकले पार्टीका केन्द्रीय सदस्यहरूको कार्यविभाजन गर्नेछ’, उनले भने।
एमाले केन्द्रीय प्रचार विभागका उपप्रमुख विष्णु रिजालले गत फागुनदेखि वैशाखसम्म सञ्चालित ‘मिसन ग्रासरुट’ अभियानबाट प्राप्त परिणामका आधारमा यसलाई थप विस्तार गर्नेबारे पनि सचिवालय बैठकले निर्णय गर्नेछ।
गत वैशाख २८ गतेदेखि ३० गतेसम्म बसेको एमाले केन्द्रीय कमिटीको बैठकले वार्षिक कार्ययोजना बनाएको थियो। त्यसलाई आजको सचिवालय बैठकले अन्तिम रूप दिनेछ।
एमालेको सचिवालय समिति १९ सदस्यीय छ। तर यसमा सचिव टोपबहादुर रायमाझी नक्कली भुटानी शरणार्थी प्रकरणका कारण निलम्बन भएका छन्।