© २०२३
लमही, २२ वैशाख ।
७ दलको समर्थनमा लुम्विनी प्रदेश सरकारको नेतृत्व गरेको नेपाली काँग्रेसले सरकार बिस्तारमा अझै छलफल अघि बढाउन सकेको छैन । नेकपा एमाले नेतृत्वको सरकार अल्पमतमा परेसँगै ७ दलको समर्थनमा यही बैशाख १४ गते नेपाली काँग्रेस लुम्विनी प्रदेशका संसदीय दलका नेता डिल्ली बहादुर चौधरी मुख्यमन्त्री नियुक्त भएका थिए ।
१४ गते मुख्यमन्त्री नियुक्त भएका चौधरीले १५ गते पद तथा गोपनियताको सपथ लिएका थिए । उनीसँगै नेकपा माओवादी केन्द्रका धनबहादुुर मास्की, लोसपाका सन्तोष कुमार पाण्डे र नागरिक उन्मुक्ति पार्टीका धर्मबहादुर चौधरीले बिना विभागिय मन्त्रीका रुपमा सपथ लिएका थिए ।
लुम्विनी प्रदेशमा सत्तारुढ गठनन्धन दलको साझा सरकार निर्माण भएकोे नौ दिन पुुरा भयो । मुख्यमन्त्रीको जिम्मेवारी सम्हालेको छैठौ दिनमा मुख्यमन्त्री चौधरीले मंगलवार विश्वासको मत लिए । विश्वास मत लिएसँगै सत्तारुढ ७ दल बुुधवारदेखि मन्त्रालय बाँडफाँटको तयारीमा जुटेका छन् । सत्तारुढ ७ दलले औपचारिक छलफल नगरे पनि आन्तरिक गृहकार्य र अनौपचारिक छलफल भने सरकार गठनसँगै गरिरहेका छन् । लुम्विनी प्रदेशमा अहिले मुख्यमन्त्री सहित ९ वटा मन्त्रालयहरु रहेका छन् । जसमा मुख्यमन्त्री सहित ४ मन्त्रालय नेपाली काँग्रेसले दाबी गर्ने निर्णय गरेको छ ।
आर्थिक मामिला मन्त्रालय सहित ३, नागरिक उन्मुक्तिले भौतिक पूर्वाधार मन्त्रालय र अन्य साना दलहरुले १÷१ वटा मन्त्रालय लिने तयारीमा छन् । नेकपा माओवादी केन्द्र लुम्विनी प्रदेश संसदीय दलका जोखबहादुर महराले मन्त्रालय बाँडफाँडका लागि सत्तारुढ ७ दलको औपचारिक छलफल नभए पनि दलहरुबीच आ–आफ्नै तयारी भइरहेकोले अबको केही दिनमा कति मन्त्रालय कसलाई भन्दा पनि कुन मन्त्रालय कसलाई भन्ने बिषयको टुुङ्गो लगाई प्रदेश सरकारलाई पूर्णता दिने बताए ।
उनले भने– ‘अहिले सत्तारुढ दलहरुबीच आन्तरिक छलफल हुन वाँकी छ ।’ मन्त्रालय बाँडफाँडका लागि दलहरुबीच औपचारिक छलफल नभए पनि दलहरु यो मन्त्रालय सहित यति र साना दलहरुले यो मन्त्रालय मोटामोटी अनौपचारिक रुपमा छलफलमा उठाउँदै आइरहेका र छलफल उठेका बिषयवस्तुु माथि नै केन्द्रित हुने उनले बताए ।
‘मन्त्रालय बढाउने सकिदैन, भएका मन्त्रालय सत्तारुढ दलहरुको बाँडफाँड गरी सरकार निर्माणलाई पूर्णता दिने सत्तारुढ दलको तयारी छ । ’
सात दलको समर्थनमा मुुख्यमन्त्री जिम्मेवारी सम्हालेका नेपाली काँग्रेसका संसदीय दलका नेता डिल्ली बहादुर चौधरीलाई अहिले मन्त्रालय बाँडफाँडको बिषय निकै अप्ठेरो बन्ने देखिन्छ ।
७ दल सरकारमा रहेसँगै साना दलहरुलाई १÷१ र दुुई ठूला दल नेपाली काँग्रेस र नेकपा माओवादी केन्द्र लाई केही मन्त्रालयको जिम्मेवारी दिएर पूर्ण सरकारको निर्माणमा सत्तारुढ ७ दल रहेको नेपाली काँग्रेस लुम्विनी प्रदेशका प्रवक्ता तथा लुम्विनी प्रदेशसभा सदस्य प्रचण्ड बिक्रम न्यौपाने (गुन्टुु) बताए । उनले भने – ‘अहिले सरकारमा ७ दल छन् । मन्त्रालय थोरै छन् । केही व्यवस्थापन गर्नुुपर्ने छ । अहिले दलहरुले आ–आफ्नै माग अनौपचारिक रुपमा सुनाई रहनुुभएको छ ।” तर सत्तारुढ दलहरुबीच मन्त्रालय बाँडफाँड विषयलाई हप्तादिनसम्म टुुङ्गो लगाउने उनले बताए । उनले भने– ‘सात दलले नै मन्त्रालय जिम्मेवारी सम्हाल्ने गरी पूर्ण सरकारको निर्माण ७ दलले गर्नेछौं ।’ तर यता नागरिक उन्मुक्तिले भने आफूले पाउने १ मन्त्रालय मध्ये भौतिक पूर्वाधार मन्त्रालयले नै आफूहरुले पाउनुुपर्ने दावी गरिरहेको छ ।
नागरिक उन्मुक्तिका प्रदेशसभा सदस्य राजकुुमार चौधरीले दलहरुबीच भौतिक पूर्वााधार मन्त्रालयको जिम्मेवारी नै आफूहरुलाई दिने सहमति भएकाले त्यो भन्दा दायाँबायाँ नहुने उनले बताए । उनले भने– ‘हामीले पाउने र लिने नै भौतिक पूर्वाधार मन्त्रालय हो ।’