© २०२३
८ मंसिर २०८१, शनिबार
८ मंसिर २०८१, शनिबार
बुटवल, ६ चैत ।
देवदह आदर्श बहुमुखी क्याम्पस रुपन्देहीको स्ववियु निर्वाचनमा अनेरास्ववियुको प्यानल नै विजयी भएको छ । अध्यक्ष अर्जुन गैरेको नेतृत्वमा अखिलको प्यानल नै विजयी भएको हो ।
देवदह आदर्श बहुमुखी क्याम्पसको स्वतन्त्र विद्यार्थी युनियन (स्ववियु) सभापतिका लागि ३ जना प्रतिष्पर्धामा थिए । नेपाल विद्यार्थी संघ र एकीकृत समाजवादी निकट अनेरास्ववियु संयुक्त विद्यार्थी गठबन्धनको तर्फबाट नेवि संघका माधव भट्टराईले उम्मेदवारी दिएका थिए ।
त्यस्तै माओवादी केन्द्र निकट अखिल क्रान्तिकारीले स्ववियु सभापतिका लागि धनी कुमारी पन्थीलाई उठाएको थियो । तर दुवै उम्मेदवारलाई पछि पार्दै गैरेले बाजी मारेका हुन् ।
त्यस्तै कोषाध्यक्षमा सोबराज जैसी, सचिवमा गौराब ज्ञवाली, सदस्यहरुमा रविन परियार, अमृता पाठक, भुवन थापा, लेखिका मल्ल, सरोज गिरि विजयी भएका छन् ।
© २०२३
सर्वाधिकार सुरक्षित
Design & Developed By:
