© 2026
३० भाद्र २०८३, मंगलवार
३० भाद्र २०८३, मंगलवार
काठमान्डौँ ।
सङ्खुवासभामा गोली प्रहार गरी एक शिक्षकको हत्या गरिएको छ । मकालु गाउँपालिका–१ स्थित चिर्खाङमा गोली प्रहारबाट ३६ वर्षीय नरकुबिर खम्बु राईको हत्या भएको सङ्खुवासभाका डीएसपी कुमार मैनालीले जानकारी दिए । राई कालिका आधारभूत विद्यालयमा शिक्षकका रूपमा कार्यरत थिए ।
हत्यामा भरुवा बन्दुक प्रयोग भएको प्रारम्भिक अनुसन्धानबाट देखिएको डीएसपी मैनालीले बताए । सदरमुकामबाट करिब १० घण्टाको दूरीमा रहेको घटनास्थलमा इन्स्पेक्टरको नेतृत्वमा प्रहरी टोली पुगेको छ । डीएसपी मैनाली पनि घटनास्थलतर्फ जाँदैछन् ।
घटनास्थलमा स्कुल परिसरमै राईको शव भेटिएको थियो । प्रहरीले मुचुल्का तयार गरी शव पोस्टमार्टमका लागि अस्पताल पठाउने तयारी गरेको छ । घटना बिहीबार साँझ भएको बताइएको छ ।
हत्यामा संलग्न व्यक्तिको पहिचान तथा घटनाको कारणबारे अनुसन्धान भइरहेको डीएसपी मैनालीले जानकारी दिए ।
© 2026
All rights reserved.
Design & Developed By:
