© 2026
८ भाद्र २०८३, सोमबार
८ भाद्र २०८३, सोमबार
काठमान्डौँ ।
राष्ट्रिय स्वतन्त्र पार्टी (रास्वपा) का महामन्त्री विपिनकुमार आचार्यले गरिमा चौधरीका आमाबुबाको भिडियो गृह मन्त्रालयमा खिचिएकोप्रति आपत्ति जनाएका छन् ।
प्रतिनिधिसभाको सोमबारको बैठकमा बोल्दै आचार्यले यस्तो कार्य तत्काल बन्द गर्नुपर्ने बताएका हुन् ।
‘गरिमा हत्याकाण्डमा जे भयो, त्यसबारे धेरै बोलिनँ । तर हामी सबैले मनन गर्नुपर्ने कुरा के हो भने हामी कस्तो समाज बनाइरहेका छौँ ?’ उनले भने, ‘जहाँ मृतकका बुबाआमाले धन्यवाद दिएको भिडियो मन्त्रालयमै खिचिन्छ । त्यस्तै, मेडिकल परीक्षणका क्रममा आरोपितले बोलेका कुरासमेत सार्वजनिक रूपमा बाहिर ल्याइन्छ । यस्तो कार्य बन्द गरिनुपर्छ।’
आचार्यले पीडित परिवारको संवेदनशीलता र गोपनीयताको सम्मान गर्नुपर्नेमा जोड दिएका छन् ।
© 2026
All rights reserved.
Design & Developed By:
