© 2026
९ श्रावण २०८३, शनिबार
९ श्रावण २०८३, शनिबार
भद्रपुर (झापा) । बिर्तामोड नगरपालिका–२ त्रिशूल चोकबाट प्रहरीले प्रतिबन्धित लागु औषध ब्राउन सुगरसहित दुई जनालाई पक्राउ गरेको छ ।
शुक्रबार राति करिब ११ः०० बजे लागु औषध कारोबार भइरहेको भन्ने गोप्य सूचनाका आधारमा इलाका प्रहरी कार्यालय अनारमनीबाट प्रहरी वरिष्ठ हवल्दार खमबहादुर थापाको कमान्डमा खटिएको टोलीले दुई जनालाई पक्राउ गरेको हो ।
पक्राउ पर्नेमा बिर्तामोड–२ निवासी २४ वर्षीय प्रवेश सहनी र २५ वर्षीय किरण शर्मा रहेका छन् । खानतलासीका क्रममा उनीहरूको साथबाट दुई ग्राम ८४० मिलिग्राम प्रतिबन्धित लागु औषध ब्राउन सुगर बरामद भएको प्रहरीले जनाएको छ ।
जिल्ला प्रहरी कार्यालय झापाका सूचना अधिकारी तथा प्रहरी नायब उपरीक्षक रञ्जन अवाका अनुसार बरामद लागु औषधसहित दुवै जनालाई नियन्त्रणमा लिई इलाका प्रहरी कार्यालय अनारमनीमा राखिएको छ । घटनाका सम्बन्धमा थप अनुसन्धान भइरहेको उनले जानकारी दिए ।
© 2026
All rights reserved.
Design & Developed By:
