Butwal Today

सुरक्षा घेराभित्रका अनधिकृत पात्रको आतङ्क बढ्यो : प्रमुख सचेतक राई

बुटवल टुडे
३० असार २०८३, मंगलवार
अ
अ+
अ-

काठमान्डौँ ।

नेपाली कांग्रेसका प्रमुख सचेतक निश्कल राईले सुरक्षाघेराभित्र लुकेर हिँड्ने अनधिकृत पात्रहरूको आतंक बढ्दै गएको आरोप लगाएका छन् ।

मंगलबार प्रतिनिधिसभा बैठकमा बोल्दै राईले सरकारमाथि प्रश्न गर्न नदिने प्रवृत्ति बढ्दै गएको र लोकतन्त्रलाई संस्थागत हुन नदिने गरी एकपछि अर्को घटना भइरहेकाले मुलुकमा आतंकको अवस्था सिर्जना भएको बताए ।

‘सरकार निरंकुश बन्दै गएको छ । सत्ताउन्मादले हुनुपर्छ,’ उनले भने, ‘सत्तापक्षका सांसदहरूको मुखमा टेप लागेको छ ।’

मुगुका गणेश नेपालीले रोजेको बाटोबारे चौतर्फी प्रश्न उठिरहेका बेला सरकारसँग जवाफ माग्दा ‘प्रश्न सोध्ने तँ को होस् ?’ भन्ने शैलीमा सरकारी व्यवहार देखिएको आरोप उनले लगाए ।

राईले सरकारको कार्यशैलीलाई हिरण्यकश्यपसँग तुलना गर्दै सरकारमाथि प्रश्न गर्न नछाड्ने बताए ।

उनले सुरक्षाघेराभित्र रहेका एक व्यक्तिले सुकुम्बासी होल्डिङ सेन्टरमा बसेका नागरिकलाई धम्क्याउने काम गरिरहेको आरोपसमेत लगाए । होल्डिङ सेन्टर, गणेश नेपालीको घटना तथा गाडी तेर्स्याउने प्रकरणबारे सरकार र सम्बन्धित मन्त्रीले संसद्मा स्पष्ट जवाफ दिनुपर्नेमा अन्य व्यक्तिमाथि दोष थोपरेर पन्छिन खोजिएको उनको भनाइ थियो ।

राईले प्रधानमन्त्री बालेन शाहलाई ‘श्री ८’ सँग समेत तुलना गरेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

पहिरो पन्छाएर नारायणगढ–मुग्लिन सडक दुईतर्फी सञ्चालनमा

विपद् जोखिम न्यूनीकरण प्रभावकारी बनाउन सभामुख अर्यालद्वारा सरकारलाई रुलिङ

प्रतिनिधिसभा: त्रासरहित पत्रकारिता गर्ने वातावरण मिलाउन सरकार समक्ष सचेतक परियारको आग्रह

जरिवाना गरेबापत अतिरिक्त सुविधा प्राप्त गर्ने कानुनी व्यवस्था छैन: नेपाल प्रहरी

सम्पत्ति जाँचबुझ आयोगका पदाधिकारीविरुद्ध अदालतको अवहेलना

सरकारी विज्ञापन निषेधको निर्णय सर्वोच्चद्वारा खारेज

अब केही बोल्यो भने घरमै गाडी तेर्सिन्छ भन्ने डर छ’ : वर्षमान पुन

प्रतिनिधिसभा: विपद् जोखिमसहित समसामयिक विषयमा ध्यानाकर्षण