Butwal Today

प्रधानमन्त्री बालेन शाह र एडीबी अध्यक्ष मासातो कान्दाबीच भेटवार्ता

बुटवल टुडे
२३ असार २०८३, मंगलवार
अ
अ+
अ-

काठमान्डौँ ।

प्रधानमन्त्री बालेन शाहसँग एसियाली विकास बैंक (एडीबी) का अध्यक्ष मासातो कान्दाले भेटवार्ता गरेका छन् ।

सिंहदरबारस्थित प्रधानमन्त्री तथा मन्त्रिपरिषद् कार्यालयमा भएको भेटमा नेपालको विकास, द्विपक्षीय सहकार्य तथा एडीबीले नेपाललाई उपलब्ध गराउँदै आएको सहयोगका विषयमा छलफल भएको थियो ।

जेनजी आन्दोलनपछि बालेन शाह प्रधानमन्त्री नियुक्त भएलगत्तै कान्दाले सामाजिक सञ्जाल एक्समार्फत नेपालका विकास प्राथमिकतामा एडीबीले निरन्तर सहयोग गर्ने प्रतिबद्धता व्यक्त गरेका थिए ।

कान्दाको नेपाल भ्रमणकै क्रममा एडीबीसँग नेपालले १६ करोड ५० लाख अमेरिकी डलर (करिब २५ अर्ब रुपैयाँ) बराबरको सहुलीयतपूर्ण ऋण लिने सम्झौता पनि गरेको छ । सोमबार अर्थमन्त्री डा. स्वर्णिम वाग्ले र एडीबी अध्यक्ष कान्दाको उपस्थितिमा दुई आयोजनामा लगानी गर्ने उद्देश्यले उक्त ऋणसम्बन्धी सम्झौतामा हस्ताक्षर गरिएको हो ।

सम्झौतामा नेपाल सरकारका तर्फबाट अर्थसचिव डा. घनश्याम उपाध्याय र एडीबीका नेपालस्थित आवासीय नियोगका देशीय निर्देशक आनो कुश्वाले हस्ताक्षर गरेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

युक्रेनमा रूसी आक्रमण तिव्र, मृतकको सङ्ख्या २१ पुग्यो

पाकिस्तानको बलुचिस्तानमा आक्रमण, नौ प्रहरीको मृत्यु

मूर्तिको गैरकानुनी निकासी रोकथाम गर्न दुईदिने अभिमुखीकरण

विश्वकपमा निष्पक्षतामाथि बहस

आज सुनको मूल्य घट्यो

बचतकर्तालाई १० हजारदेखि एक लाखसम्म फिर्ता गरिँदै

अपडेट : एसईई ग्रेडवृद्धि परीक्षामा ६४.६९ प्रतिशत विद्यार्थी उत्तीर्ण

पूर्वप्रधानमन्त्री देउवाका छोरा जयवीरलाई ७ दिनभित्र उपस्थित हुन सम्पत्ति शुद्धीकरणको पत्र